士佳說 - 張士佳 2022年5月18日
【#士佳說 】張士佳：平臺蛋糕
【#士佳說 】張士佳：平臺蛋糕
尋日指數企稳20,000點後，一路挾升過600幾點，非常有力，由科技指數 ATMXJ帶領，科技平台經濟被祝福會支持發展，科指一舉收復4200點。指數三日已升1200點，雖然回一回儲多幾下力先再上都吾出奇，但先有蛋糕做大，再有劉鶴支特平臺經濟，所以值得期待。
雖然未到確定大舉入股既時候，但都入返多少少之前市跌冇乜點跌，尋日圖表又再突破果啲，比較有信心，之前做定功課有一堆如上海復旦#1385、太平洋航運#2343、東方海外#316、中國船舶租賃#3877、中遠海能#1138都係對象。有好多時市升只是挾升個市上去，但股票跟唔到，所以好揀擇。既然支持平臺經濟，atm必定有D責倉，手上有美團正股，$120 時寫雙城記時買落，係膽，見期子突破有力，伺機買埋美團牛仔博即市再升多浸，市場俾面有微利。如果未買，衣家大市升到去呢啲位，就唔好高追，等回一回有低d支持位置先。今日主要等睇騰訊業績放榜，是科技股續航力的關鍵，市場預期平平甚至業績放緩，等佢出咗嚟，若有得低開，能夠破即市阻力真升，先入去博一段。收市後見京東#9618業績並不太差，網購受疫情重擊，仍有40億利潤遠勝預期，不過ADR要倒跌少少，可能尋日股價升7%已經反映。
尋日逢係電動車相關的都有得升，有新消息於6月出台汽車下鄉政策，鼓勵15萬元以內車型的燃油汽車及新能源汽車，可獲補貼3,000至5,000元，大力鼓勵換車，大手筆過派消費券好多。跌到最低殘的長城汽車#2333反彈得最多，不過廣汽#2238圖表比長城好。比亞迪#1211又比廣汽好，率先升穿250天，不過未正式脫離企穩前，觀察住先。搵嚟搵去，五菱汽車#305 mini car 電動車價格似乎最合資格，所以尋日大爆升，回一回再突破，定必短炒一番。電動車需求訂單充裕，似乎內地出招谷消費內需，汽車股最直接受惠。
工業扶持，復工復產，經濟政策浪接浪，利短炒，可以尋寶炒波幅，#293國泰我都鐘意。
士佳說 - 張士佳 舊文
本文作轉載及備份之用 來源 source: http://skycheung.weebly.com