士佳說 - 張士佳 2022年6月13日
【#士佳說 】張士佳：避左，慢慢補回
【#士佳說 】張士佳：避左，慢慢補回
我先前計出來的大市理論頂在22211同夜期最高22219差八點，呢個有些幸運，而我大部份走鬼的在21959，走完我叫學生等那些銀倆習慣在其窩裏，休戰，好多股包括京東牛食得就食；星期五晚美股因cpi跌到七個一皮，今日似要試21000，呢次嘅時机掌握得唔錯，避得應。
股票冇做得多，主要食下糊減下槓桿牛仔買些同大市唔太相關的，資源股如煤油未有減住，但之前同大家提死灰復燃嘅力勁#558星期五見再升一成，就早食左一半，下午仲要爆升2成多咁厲害，力勁推出9,000噸壓高壓Giga Press壓鑄機，可以減輕車身重量。 Elon Musk確認，將會用這臺機器生產將從2023年開始生產 Tesla Cybertruck，好在只係走半留半，沒有錯過之後爆升一段，今日回都有著數，楂住先，等陰蠋先至算，炒短線咪陰燭走囉，如果見食咗一半唔怕捱，就同佢玩真正死灰復燃了。
我始終覺得個市又唔係太好又唔係太差，外圍咁差就梗係唔好喇，先前等待星期五美國5月CPI，我21959急急腳走，就係諗住唔慌好得去邊，但都諗唔到咁誇張，加速去到至8.6%，不但高過市場預期，仲高過4月的8.3%及3月的8.5%，之前FED 話預見通脹有見頂回落跡象，又話預視9月可能暫停加息，但好在冇信佢，而家CPI係40年來新高，少少回落都冇，6月下星期可能要再追加息、7、9月跟加息機會仲大增，市場慌不擇路沽貨，道指收市重挫880點，美股要再次探底了。
但我又點解會覺得唔係好差呢，你睇返啲中概股，我雖然唔鍾意無買，但星期五真係跌得唔多喎，估計今日返嚟，會有些拉鋸，睇下今日會彈得幾高，有些走咗嘅貨都會補返（像食左糊嘅9618京東，1138中遠海能），但如果急跌，唔會硬接刀，會睇9988會唔會陰收低於$107，如果收低，我會沽住佢來買其他。跌左咁耐，好多其他唔關大市升跌事嘅股，都蠢蠢欲動，好似#777網龍#9999網易就因為60款遊戲獲批，緊要過恒指升跌，我休戰緊捉唔到，會等佢回一回出型變（香蕉皮）突破上返車；細煤我走唔多，#1733易大宗#639首鋼資源#3948伊泰#3668兗澳，都冇乜點走，我相信兗煤#1171點再出價買#3668，又係緊要過恒指的升跌；教育股剛剛來個反彈，都跌咗咁耐，如果能夠回一回再上點都彈下，呢啲又關美國通脹乜嘢事！？
士佳說 - 張士佳 舊文
本文作轉載及備份之用 來源 source: http://skycheung.weebly.com