全職炒家│內銀股有危就有機（紅磡索螺絲）
全職炒家│內銀股有危就有機（紅磡索螺絲）
對於內銀問題，我相信過去十多年，大家平時聽內地新聞時都經常聽到。
之前同大家分享短炒問題和壞習慣，今次想同大家分享下大跌市買貨。美債孳息率上升，通脹高企，市場擔心科技股過高估值，導致環球股市進入調
整，股價下跌，投資者就要決定是否溝貨。愛股有調整，價位吸引，是否應該趁低吸納？例如內地銀行股，是否如新聞報道般那麽差？我反而覺得有危就有機。
美股、外匯、加密貨幣免費即時報價，自選投資組合獲取相關新聞提示。
估值平有原因
對於內銀問題，我相信過去十多年，大家平時聽內地新聞時都經常聽到，特別面對一些地方債、三角債、壞帳、不良貸款、影子銀行和息差收窄等等，我相信無論散戶或者專家都會識背。如果內銀沒有面臨如此多問題，會不會經常幾倍市盈率，零點幾市賬率，以及派高息。如果不怕消息影響，十年前買入內銀股，不理任何風吹雨打，揸到現在一早已經零成本。嘗試唔好理會新聞，客觀角度分析，今次係咪最後一次？當然唔會，望返歷史，最低位都係接近現水平。會唔會減派息？會唔會供股？當然有機會，咁個價都跌了，係咪最低位買？最低位係叻人買，散戶並沒能力。投資只可以看值博率及歷史數據。
個人覺得爛尾樓事件總會有解決方案，據報道指，中國金融管理部門正考慮為因樓盤爛尾而停止還房貸的購房者提供緩衝期，以緩釋房地產行業風險的蔓延。之前中央經濟工作會議後提出房住不炒，住房從金融屬性變成居住屬性，但是穩住整個樓市才是重中之重，所以我個人對中央持續推出政策有信心，覺得可能是一個機會。
紅磡索螺絲
80後財務自由全職炒家
fb︰https://www.facebook.com/80hhslc
YouTube︰https://www.youtube.com/channel/UCxgro_A0DhEd_qXb-4_k_gA
本欄逢周三刊出
全職炒家 - 紅磡索螺絲 舊文
本文作轉載及備份之用 來源 source: http://hk.finance.yahoo.com