【平民投資教室】錢俊：入境0+0都唔會救到港股
平民投資教室
日期：2022-09-27
更新時間：12:08:03
港府呢頭宣佈0+3，嗰頭恆指就跌穿18000點。乜開關幫唔到個市嘅咩?
首先，係幫到不過唔關恆指事。比如東瀛遊(HKG:6882)過去五日升咗70%，國泰(HKG:0293
) 過去一個月升7%。問題係，恆生指數成份根本就無旅遊相關股份，連國泰都喺不久之前被剔 出藍籌。最叻仔已經係金沙(HKG:1928)受惠國內辦旅行團入境澳門嘅憧憬。
出境受惠股唔關事，咁0+0會唔會對入境有幫助提振港股?機會都微。恆指成份股入面，零售 有關嘅股份已經唔多，而且絕大部份都係國內品牌，好似安踏、海底撈呢啲，就算以香港為基 地嘅周大福，實際都已經係國內業務主導。
咁香港地產股應該幫到手掛?咪傻啦，本身地產只佔成份7%，扣埋國內公司，本地只係5%多 啲，就算升都係杯水車薪。何況大家都知，入境香港最肯洗錢嘅遊客係內地人。內地客一日唔 返嚟，零售同地產都難以回到昔日光境。
壓制港股嘅最後一根稻草，必然係市場需求疲弱。國際投資者聽到中港股票避之則吉已經係 事實，所謂北水嘅國內投資者都面對經濟下行嘅「無水」問題，唔好話無錢投資，隨時要賣港股 套現還債。當股市盈利未見曙光，接貨嘅投資者又欠奉，短期難有支持。
錢俊之前都講過，中港股票要轉勢，關鍵在於內地幾時調整清零政策。政策若果放鬆令經濟活 動復常，自然有利以中國公司主導嘅恆指。下月中中共黨大會召開，會後當政治緊張形勢放鬆 後，可觀看清零政策會否有所調整。
AWAY:炒開關變炒車
至於復常時期炒作旅遊板塊係唔係就有前景?可以參考美國上市嘅ETFMG Travel Tech ETF (US:AWAY)。AWAY追蹤涉及旅遊技術嘅公司指數，主要持股包括網上旅遊供應商 Booking.com、Expedia、網約車Uber及Lyft，以及中國嘅Trip.com都在此列。
基金於2020年初推出，正正就係疫情開始嚟料，各國封關之時。因此表現都係過山車式上落。 疫情令股價先雪崩式跌超過一半。但之後憧憬開關，一年內反彈兩倍。然而過去一年雖然外國 關已開，但AWAY股價卻重回2020年價格，高位跌超過一半。
表現強差人意。其一原因可能係投資者對開關太有信心，覺得業務好快重回正軌。事實係要復 常長路漫漫，以英國為例，雖然大量遊客想外遊，但無論航班定係機場運作，都未回到2020前 嘅配套及人手，加上通脹成本上升，變咗「旺丁唔旺財」。
再睇中期經濟，通脹導致加息，經濟面臨衰退風險，市民對旅遊呢啲非必需活動開支覺得可免 則免，慳返啲錢入油同開暖氣更為重要，因而亦令旅遊業前景再面對挑戰。前車可鑑，想買旅 遊股搏升，小心炒股變炒車。
想聽其他投資Topic?話我知:chinjun.column@gmail.com FB: chinjun.etf
IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com