叫人賣樓自己買樓 小心被打
叫人賣樓自己買樓 小心被打
有大行預期兩年內樓價將跌三成。(資料圖片)
有老友話咁多年以來，佢只聽到筆者說時勢不佳，如果買樓就要小心一些，除了量力而為之外，一定要選擇一些優質單位。至於鋤價反而是其次，但從未聽過筆者叫人賣樓。老友不明白，我是一個物業投資
者，無論樓市幾咁差，都有機會買樓，如果被人知道一定會被質疑，點解我自己買樓，而叫其他人賣樓，少則被人鬧，大則可能被人打一餐。
現在唱淡樓市的消息鋪天蓋地，甚至有玄學家都不理會洩露天機，冒著天譴危險叫人賣樓，當我覺得玄學家很偉大的時候，有老友話玄學家根本沒有洩露天機，怕甚麼天譴，原來玄學家亦有買樓。老實說，如果唔係知道樓市向好，又點會現在買樓，所以，他並沒有洩露天機。
至於有大行預測兩年內樓價將跌三成，大行當然有其理據，但以我的經驗就是當有大行發出類似預測時，該大行或者同行就會向業主開價買他們的優質物業，而且價錢不低，甚至高於市價。很多業主不能抗拒大行誘惑，而將手上優質物業賣走，話曬都有兩三成溢價。老實說，現在做業主真慘，被所有人打到頭崩額裂，少點定力都會將手上優質物業賣走。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk