【天下第一倉】高山行： 炒鬼埋堆！
天下第一倉
日期：2022-11-03
更新時間：14:44:02
藍河控股(00498.HK)近期走勢夠曬特別，打風市下重登52周高位，睇番今年所有部署，其實已默默變身當中，仲搵番一批旺市大炒鬼埋堆，一切都係開車先兆，呢類股仔一開車唔係股咁品
，何況仲咁大折讓，真係要好好睇實！
0498前身為老牌建築股--保華集團，後在2021年4月改為現名，最新主業於中國進行港口 、 基建、燃氣分銷及物流設施發展和營運 、 透過保華建業供全面工程及物業相關服務。
不過近年已見再蛻變痕跡，源起3月結止財年大蝕16.29億元，主因為多項持股權及債務工具投資、投資物業、金融資產、物業存貨等大減值，以除後憂。更關鍵的是，0498全資附屬湖北民生獲獨立第三方湖北能源集團(000883.SZ)大增資4,267萬美元。完成後，湖北民生註冊資本由4,100萬美元增至8,367萬美元，並由湖北能源及公司分持51%及49%，0498因視作出售附屬權益錄收益約2.6億元。
湖北民生主事開發與運營港口、基礎設施、燃氣分銷及物流設施，現存LPG內河碼頭與連接到附近現存LPG儲庫之LPG管道設施及基礎設施；及位於湖北省武漢市之現存LPG及CNG汽車加氣站，有咗個咁有實力之新股東加入，傳統本業已經先打咗個鐵底，再加上其後又以6,500萬人民幣出售了杭州物業，財務數據更加增強，已成功將大撇帳業績引發的不利元素抵消！
再近期的一單收購更存玄機，集團宣布以注資形式購入希望證券24.64%股權，現金代價7,500萬元，希望証券為香港証券公司，表面睇平平無奇，惟細看其股權架構，包括威華達控股（0622.HK)、意馬國際（0585.HK）及中譽集團（0985.HK），當年都係炒到癲，所以今次0498人股其中，應係展開大龍鳳的重大訊號，相信也是春江鴨先入為快的啟示！
再睇其他數據，3月結止每股NAV高達1.957元，現價0.43元折讓近八成，再睇走勢更是有板有眼，炒鬼們點唔可以加緊留意？！
高山行
天下第一倉 - 高山行 舊文
本文作轉載及備份之用 來源 source: http://hksmedia.com