老C轉軚 樓市大局已定
老C轉軚 樓市大局已定
市場預期本港樓市會U型反彈。(資料圖片)
有老友問我，「點解咁積極唱好樓市」，老友可能誤會了，我並不是積極唱好樓市，而是在大多數業界人士唱淡之下，希望有不同聲音，令到大家更了解樓市，並不是人雲亦雲。
香港樓市有一個隱憂，就是一面倒唱淡，
與此同時，測量師估價報告亦不斷調低物業估值，最後令到銀行要向業主追收差額，結果可能會令到一些業主被迫出售物業。如果市場吸納能力不夠，樓市便會下跌，這對於任何一個業主來說，都不希望發生。
我問一些知名測量師，點解對樓市睇得咁淡，測量師話並不是他們睇淡，而是老C睇淡，眾所周知，老C是業界泰山北鬥，無人可以挑戰他的權威性。所以，即使他們不同意，但亦要將估價調低，否則如果樓價急速下跌，他們就會很大鑊，倘若樓價不跌反升，他們亦可以話是老C錯，不是他們的錯。
現在老C拉手掣U Turn，認為樓市已經過了最壞時間，並且會掉頭反彈，測量師亦再無藉口，所以今年都不敢開記招講樓市。如果樓市如老C所說作U型反彈，香港業主可以鬆一口氣，不怕失驚無神被銀行call loan。
作者為紀惠集團副主席及行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk