北水因假期暫停，恒指最高曾見22700點，到昨日跌穿21100，短短六日已蒸發1600點。唔係話北水回歸一定會跌，但起碼要有心理準備，如果沽盤來到應該點做，回頭一望，今次防禦操施叫做到及時。
中美關係再次緊張起來！熱氣球事件，令雙方由準備見面，到暫緩見面，再到傳出制裁重新出現，步速非常快
，亦令港股昨日全日捱打。有陣時真係唔可以唔信邪，北水因假期暫停，恒指最高曾見22700點，到昨日跌穿21100，短短六日已蒸發1600點。唔係話北水回歸一定會跌，但起碼要有心理準備，如果沽盤來到應該點做，回頭一望，今次防禦操施叫做到及時。
美股外幣即時報價 多國新聞任睇
諗買乜咩位入衝幾多
昨早做Yahoo Money Talk節目，回應留言時提到撈了美團（3690）正股，咁啱得咁蹺，原來拍檔Season也同步出手了，我們的心路歷程亦極其相似：正面地睇跌市，其實係特價時段，第一時間問自己，應該買邊隻股票？有趣的是，我哋不約而同曾在美團（3690）身上贏錢，所以第一時間鎖定同一目標。然後又要問自己，買幾多好呢？市差預咗要捱，更何況撈到低位機會微乎其微，所以一定不會all in，相反要預留空間給自己犯錯，否則隨時捱唔過跌浪。
好了，決定好目標、數量，咩位入場好呢？打開幅圖，美團已接近range底，計值博率夠曬（止蝕位近兼上望空間闊），set盤入場吧，恰巧我倆入場水平亦相當接近。
唔好以為問自己問題、自言自語好癲，投資往往要反覆思量，諗過度過先出手，否則好容易損手爛腳，最後請集氣祝願我們旗開得勝吧。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com