古星輝 - 增5G設施建盛事之都 | 乜都5G
巨型紅心飄浮裝置嘅戶外展覽剛結束不久，隨即迎來「藝術三月」嘅文化盛事；各方亦相繼傳來好消息，包括新增來港自由行嘅內地城市，以及預計能吸引超過200萬人嘅「藝術@維港」的夜光蛋戶外展覽，既吸引旅客亦帶動盛事經濟。
筆者相信，喺一系列體
育、文化藝術、音樂盛事嘅助攻下，未來旅客人數將繼續上升。最新數字顯示，去年全年訪港旅客人次，已回復至疫情前55%，而12月旅客人次則回升至疫情前65%。因應盛事旅客群增加，大眾對尖東海旁、中環海濱、紅館、會展及亞博館等大型公眾活動空間及場地嘅流動通訊服務需求亦將與日俱增。
早著先機提升網絡覆蓋
有見及此，我哋早已喺香港藝術館，打造5G公共流動通訊系統，從而提升尖東海旁一帶嘅5G覆蓋。喺中環海濱場地，我哋亦做過多項城中盛事嘅5G夥伴，提供覆蓋完善嘅5G網絡。例如去年全港首個世界級大型戶外濕身音樂派對——亞洲潑水音樂節（香港站）、前年嘅Artaverse大型藝術科技戶外展覽等，有工程人員嘅精密計算及部署，要喺短時間內於戶外場地提供高速穩定嘅5GWi-Fi，可謂駕輕就熟。
唔知大家仲記唔記得，我哋舊年破天荒喺海上郵輪做5G音樂現場直播，等全球觀眾可以喺社交媒體同步見證香港嘅旅遊盛事。呢次創舉之後，我哋繼續全力打造極致嘅海上通訊體驗，早前就喺多個海上熱點，包括西環、西貢、鴨脷洲、赤柱及鶴咀對開海面完成網絡升級工程，大幅提升海上5G覆蓋。
5G滲透力強、高速可靠，適合戶外使用，而5G流動寬頻毋須拉線即插即用，對於喺香港舉辦各種盛事，可謂大派用場。有關當局話將於今季起，牽頭幫助協調多個大型公眾活動場地、管理公司及各間電訊商，以助適時增設5G設施；期待與大家攜手，為打造盛事之都做好準備！
和記電訊香港執行董事及行政總裁
古星輝
乜都5G - 古星輝 舊文
本文作轉載及備份之用 來源 source: http://www.stheadline.com