陸羽仁 BLOG 2012年6月29日
過山車
2012/6/29 上午 09:37:29
網誌分類: 經濟
歐盟峰會在召開中，全球睇到緊，雖然期望低，但係都寄望有?禶N外好消息。昨日的美股就大玩過山車，歐洲股市早段插水，德國股市一度跌2%，後來反彈都跌1.3%。美股開頭亦差，既受歐洲市困擾，再加上醫療改革法案通過，醫療保健股利益受損，相關行業股急挫，拖累杜指朝早大插水，最多跌175點。不過到二點半後大翻身，從低位急抽高超過150點，收復大部份失地，只跌24點收場。
美股急彈源於德國總理默克爾忽然取消原定於昨日舉行的記者招待會，市場揣測歐盟大國到最後階段都有重要?炩氶A可能有料到，帶動大市急彈。老老實實，呢?爣〞p只係靠估，而且即使有?炡怮廑伬禷伀o掂係未知之數，所以大家唔好太樂觀住。
歐盟領導人不咬弦，舉世皆知。德國寧為眾矢之的，仍誓死反對「歐洲債券」，即係反對歐洲期同承擔債務，使到全世界都對歐盟峰會能夠達成實質性解決危機方案，失曬信心。現時要德國讓步一下子同意搞歐元債券，難度極大，拉低期望只要佢同意歐洲央行直接買問題銀行的債券，都已經好好多，問題是呢次峰會能否傾出比較大步走的方案，抑或一如所料只有貼膠布式的小招。
另一方歐洲大改革的步太難拉開，要求歐洲央行介入的呼聲日漸高漲。目前，歐洲通脹壓力唔大，當局考慮進一步鬆動貨幣政策的空間增大了，歐洲央行執行理事會委員普雷特，日前就透露央行可能減息的政策取向。減息的憧憬亦對股市有支持，雖然歐洲利息本低，但減0.25厘都好呀。
另外美國醫療保健改革計劃雖然外界不太關心，但亦是美國頭等大事，昨日在高等法院以五對四票，獲得通過。這是美國總統奧巴馬上任以來最重大施政計劃。
美國目前係全球最富有，但沒有全民醫療保險制度的國家。而美國的醫療系統亦係全世界最貴，2004年美國醫療花費就接近兩萬億美元，佔了GDP總額的16%！美國人要俾咁昂貴醫藥費，就只好買保險，保險當然貴到飛起，2009年一家四口每月要1200美元。所以美國有近5000萬人沒有任何醫保，有病就去公立醫院排隊，出現過病人在醫院排隊排到死?魖潃蚅?啈b地上無人理的新聞。
奧巴馬競選時承諾的Change(改變)，醫療保險制度就係最主要部份。由於改革影響到美國好多大到不能倒的利益集團，面對的阻力可想而知，搞到現在差唔到要競選連任才見到成果。奧巴馬的法案主要的當然係降低醫療費用，其次係由政府津貼中低收入打工仔保險費，同時逼傭主必須為員工買保險，另外，打工仔唔買保險亦要罰款。法案通過後，預計受保人數將會增加一千五百萬人。
不過，奧巴馬的醫療法案要真正落實，還需幾年時間，期間仍有好多變數。共和黨總統候選人羅姆尼(Mitt Romney) 即時跳出來話，如果他當選總統，上任第一天就係廢除這項法律。醫療改革勢將成為11月時總統大選的競選主題。
「法案」得到通過，投資者第一反應就係醫療保健股利益受損，相關行業股急挫，拖累杜指朝早大插水。不過，午後又反彈，尤其係醫院及醫療設備股，因為醫藥費及保險費降低，會多了好多生意。
但未來股市還主要看歐盟峰會開成點吧，今日港股交易時段亦未有結果，要等。
陸羽仁
回應(7) 我想回應
陸羽仁 BLOG 舊文