中環在線：任總愛將創業五丁友打天下 - 李華華
任總心願愛將開公司代勞
金融沙皇任志剛?愛將、金管局前傳訊總監陳民傑(Thomas)，年初加盟唐營助選後，韜光養晦一段日子，原來部署重出江湖，佢自組財經公關顧問公司「圓通」，創業打江山，新公司下月中?灣仔開業。
寶號「圓通」政治政確
據聞「圓通」呢個名，含融?貫通、不偏不倚之意，而英文名「Yuan Tung」仲厲害，暗喻指日可待?人民幣(Yuan)世界流「通」(Tung)大勢，確實係政治正確。Thomas同任總多年賓主關係，又曾經協助唐唐選特首，市場難免猜測，圓通背後係咪有猛人入股呢？
華華向湯馬士查詢，佢開誠布公咁話正籌備新公司開業，但強調只屬小本規模，全部係自己獨資經營，外界千祈唔好諗太多；佢又話任總係佢尊敬?前輩，大家亦師亦友，對方梗係「精神上」支持佢闖一番事業啦！
■09年任志剛退休，Thomas共同進退，一班財經記者亦起哄要合照留念，足見Thomas人緣好。
■過去十多年來，幾乎有任志剛?場合，都會見到Thomas(右)身影。
聽佢講，圓通主攻財經客戶，範疇包括企業社會責任、教育、投資者關係同危機處理。開業初期，公司編制約莫只有五個人，會隨住業務發展再擴張。據聞Thomas亦招攬?金管局前傳訊經理黃慶鋒，兄弟拍檔再戰江湖。
年僅44歲?湯馬士財經記者出身，95年加盟金管局，多年來建立?廣闊人脈關係，佢為人亦相當重情義，09年隨任總共同進退，任總退休佢就辭職進修，翌年4月加盟新地(016)，擔任企業策劃及策略投資部中央事務主管。到任總老友唐唐選特首，舊年底佢亦加入唐營幫手。蟄伏一輪，湯馬士2013再出擊！
李華華
mailto:LiWaWa@AppleDaily.com
上一則: 傳光大集團重組方案獲批
下一則: 中環在線：風之後賣南灣微賺50萬 - 李華華
中環在線 - 李華華 舊文