金融High Tea 2013年12月17日
大棍扑中
2013年12月17日
港股在聯儲局會議前，繼續為收水退市作出消化調整，地產股股價陸續受退潮影響「露底」，再有公司股份創出今年低位，除了早前開始探底的新世界(017) 、太古地產(1972) 外，最近係香港興業(480) 、大昌地產。香港興業主要發展大嶼山愉景灣物業，另外在上海有發展項目，本身資產不俗，由於近年無大舉買地，負債率不算高，股價跌到一年低位，相信無乜特別原因，主要係反映市場對地產股缺乏興趣，退退吓退到低位，不排除同樣情況會係其他二、三線地產股身上發生。
過去幾年西方先進國家不斷泵水谷高全球資產市場，唔單止香港樓市係咁升，好多新興國家以至美加樓市都漲不停。由於印鈔行動不可能持續，資產價格始終有停止上漲的一日，對地產公司嚟講，最重要係做好準備度過退潮日子。最近中港地產股集資個案漸多，香港有麗新國際(191) 上星期宣佈以大折讓供股，內房股有借殼上市的萬達商業(169) 。
中港地產股齊抽水
無論香港抑或內房商，好多都經歷過資金緊絀的日子，家雖然收水未真正發生，但積穀防飢，有備無患，相信類似行動陸續有來。
陸羽仁同投資銀行家傾偈，佢都話家集資潮方興未艾，至少2014年頭，股票市場都會好熱鬧，併購、集資同新股上市都會好多，因為家市場仲有平錢，大家唔理美國最後會唔會收水，收水力度有幾大，都會先行籌集資金，港股是區內最發達市場，勝在深度夠，融資較易，所以無論內地會否啟動A股重新上市，都會有大批內地公司湧來上市。
中國經濟數據差過預期，匯豐中國12月採購經理人指數(PMI)初值降至50.5，創三個月新低，顯示經濟回升壓力仍大，加上中央並未對明年經濟增速給予明確目標，淡化「穩增長」的重要性，滬深股市昨日顯著受壓，齊跌至一個月低位，城鎮化規劃未有驚喜，各行業板塊普遍下挫。上證指數開市後掉頭向下，愈跌愈深，以近全日最低位收市，收報2160，跌35點，連跌五日創11月15日來新低，跌穿250天線；深成指收報8272，跌157點，是11月14日以來最低。
博彩股築起鋼鐵長城
外圍有退市隱憂，加上中港股市齊跌，港股當然無運行。恒生指數反覆偏軟，收報23114點，跌131點；國企指數收報10932點，跌93點，成交金額由上周五600億元，再縮至546.68億元。全國鐵路工作會議本月底左右召開，據內地媒體報道，中國明年鐵路基本建設投資的初定上限為5000億元人民幣，較今年5300億元人民幣額度縮減，鐵路股腳軟。內銀近日受壓，光大銀行(6818) 傳將以低於中間價的3.98元定價，接近招股價3.83至4.27元的下限，總之上市為先。
近日市場鋼鐵板塊係濠賭股，近日大、小濠賭股反覆炒上，炒完大股炒細股，炒完細股又翻炒大股，總之炒到你唔信。銀娛(027) 、美高梅中國(2282) 再逆市創新高。銀娛年中先升破50元心理關口，家已經挑戰70元。
有熟悉澳門人士話，家銀娛已經係全球三大博彩股份之一，呢個情況相信喺09年金融海嘯無人諗過，當時各大賭牌公司紛紛叫停項目，銀娛係最早復工的一間，結果食正大升浪，做生意成日講一膽二力三功夫，佢係外資打退堂鼓之際大力殺上，最後俾佢大棍扑中，家抵佢有排發！
陸羽仁
金融High Tea 舊文