對沖國度 - 黃國英 2014年1月28日
後市如何走向天曉得，自己只是根據經驗判斷值博率，當瑕疵換來上升空間，又有甚麼所謂呢？
很想回答：「假如幾日前驚贏唔切，轉眼間就驚斬唔切，應該好快輸得死。你要驚我好明白，但係可唔可以抽離一點，冷靜一點呢？」
市場已足夠成熟
幾日之前，二三線股還是大牛市格局，瞬間已經變成極熊，其實自己是相當歡迎市場這種近乎變態的情緒波動，有波幅才可以有搵食空間。如果日日恒指只得五十點上落，中環會有很多人要轉行。
既然諗住贏硬，不問價追入的三四線股可以中伏倒地，反過來想，看似死硬的時候入市，又何嘗未必不會是一條生路。正如昨日所講，要炒到發達或者破產都不容易，不妨放開心情迎戰。
昨日所見，港股指數雖然表現差勁，不少股票卻從低位大幅回升，印證大手買要趁市弱。
就算中資股大環境是差，或者部分新興市場的確要向下，但經歷過後金融海嘯時代已五年有多，市場已經成熟到會分析個別地區或者股票的優劣，再不會一視同仁式對待，所以有危就有機這句老生常談，絕對適用。
無論氣氛如何惡劣都好，關鍵是要保持鎮定，準備尋找商機。升市不要太亢奮，跌市也不要太沮喪，是這個年代的生存之道。
豐盛金融資產管理董事 黃國英(作者為註冊持牌人士)
Money18更多即時港股指數資訊
上一則
下一則
對沖國度 - 黃國英 舊文