中環在線：任總心繫金融市場
暗寸陳德霖少招呼傳媒
■任總(紅圈示)新書活動吸引大班粉絲同傳媒，閃光燈閃不停。
金管局前總裁任志剛噚日為自己本新書《居安思危》出席書展活動，評論金融時局。近日金融市場熱話，除?佔中，當然就係7月1日開始，港?呈強勢，促使金管局連番向市場注資，任總雖然將「不在其位，不謀其政」掛?嘴邊，但忍不住都話「如果我在位，就會嘗試同大家解釋嚇」。
任志剛與金管局現任總裁陳德霖其中一個最唔同?地方，就係以前任總經常?金管局總部，即係中環國金二期東面地下大堂「招呼」傳媒，好多傳媒晨早??度等任總返工，若然前一晚環球經濟、股市有乜大事發生，就問任總?回應，指點迷津。任總?新書裏面都自爆好懷念呢個「志剛廣場」。陳德霖上任後就冇?呢支歌仔唱，陳德霖多數出席立法會會議先至作評論。
換轉以前，金管局一出手，任總會親自解釋發生乜事，難怪噚日台下有粉絲問佢點睇近日港?轉強，佢就話「如果我在位，會嘗試解釋嚇點解突然會有資金流入」。
忍唔住講熱錢鬧銀行
佢認為，原因可能包括多隻新股上市、上市公司為年結準備資金派息，為滬港通做準備都未定，不過滬港通今年底先至推行，?家準備定頭寸似乎又太早。
講講下，佢仲批評銀行，指銀行安排自己?資金，安排得好差，笑住話「真係唔抵讚佢?，要彈嚇佢?」。佢認為，既然香港銀行體系結餘超過2,000億元，有乜理由銀行仲要去貼現窗?錢呢?
任總雖然退休5年，但依然心繫市場，要真正做到「不在其位，不謀其政」都唔係咁易。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文