中環在線：入股未獲批孫宏斌現身「打氣」
融創踩入綠城主場
■融創孫宏斌(左)分享入主綠城後?大計，綠城CEO壽柏年(中)變?大配角。馮健鏗攝
上市公司業績會一般都係非常公式化，綠城中國(3900)噚日?中期業績發佈會，竟然安排融創中國(1918)董事長孫宏斌做神秘嘉賓，仲取消埋業績簡介，一開波就殺入問答環節，為融創計劃收購綠城創辦人宋衛平手上24.3%股權一事解畫。照咁睇，孫總未正式入主綠城已經主導緊成件事，應該仲好緊張?喎。
同宋衛平份屬老友
話說宋衛平同孫宏斌一向私交甚篤，所以市場傳聞證監會裁定佢?係「一致行動人士」，令呢單刁遲遲未放行。睇番單刁，融創斥資約60億元收購綠城24.3%，再加上宋衛平本身持有10.5%，加埋有34.8%，就會去到30%全面收購觸發點，令融創?收購成本升至過百億元。
孫宏斌噚日強調，現身綠城?主場，只係為撐「哥們兒」，想幫綠城「打打氣」，又話一早就知道有「一致行動人士」呢一關，反駁指融創跟綠城係兩間獨立運作?公司，因此，佢從來冇諗過會被認定為一致行動人士，仲好有信心交易最終可以獲得證監會批准，唔會放棄綠城股權咁話。
雖然收購未搞掂，孫宏斌又未正式入主綠城，但係佢已經滿腹大計，透露將會與綠城合作發展上海、北京等一線城市?住宅項目，並會保持產品質量，繼續主打高檔房地產路線。
壽柏年料交易提早完成
坐?孫宏斌旁邊、淪為大配角?綠城副主席兼行政總裁壽柏年，就補充多兩句，叫大家唔使作各種猜測，指有關推測冇乜依據，佢又估計交易能夠提前?12月前完成。
其實朋友係咪可以買對方股份呢？2005年，鄭裕彤?新世界發展(017)計劃配股以攤薄對沖基金TCI?持股量，當時傳聞恒地(012)主席李兆基打算認購，以幫助好友鄭裕彤，但證監會最後以兩人份屬好友，並有生意往來為由，視佢?係一致行動人士，令四叔最終冇機會入飛。
證監會否為融創開綠燈仲係未知數，孫總話唔會放棄綠城股權，若然證監真係唔批，或者可以考慮買少?或買曬佢囉。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文