異動空間：絕頂靚殼終開車
大盤十日九跌，不少投資者硬掃牛仔博反彈，輪商街貨分佈圖睇到，牛熊街貨比例為72：28，逆向思維看，會跌穿二萬四。恒指23800至24100點有3,000張期指對沖張數的牛仔，我係大戶的話，有羊，真係唔?？
市值5億樓下殼股相當活躍，短炒搵食可揀幾隻傍身。早兩日提過研祥智能(2308)圖表靚爆，剛上番1倍PB，但距離5億元「起標價」仍有三成水位，去番2010年高位的話，剛好1倍，值博！另一推介係林麥集團(915)，市值3.6億元，昨突破橫行區爆第一棍，成交兩年新高，可信度120%。過去五年均有盈利、有息派，財務狀況良好，大股東持股七成，要賣幾乎零障礙。
有「小利豐」之稱的林麥，主營商品銷售(如成衣、配飾、消費電子產品等)及採購業務。連利豐(494)業務陷入困境，林麥經營困難並不意外。全年業績報告中，公司坦言業務增長動力減弱，付運量有所放緩，或埋下賣盤的伏線。集團成立於1964年，最值錢的資產是50年來建立的全球採購網絡及商譽，點止值三幾億元？以5億元市值計，可見0.73元，但魏力相信呢個價只會係中途站。
魏力
http://www.facebook.com/2012jason
魏力
異動空間 - 魏力 舊文