趣BLOGBLOG：凍檸茶的誘惑
■維他汽水機18件產品中，檸茶佔8件，更有部份已經沽清。
每個人炒股都有自我風格，有人鍾意即日鮮密食當三番，有人鍾情放長線釣大魚。環顧身邊已上岸高手，第一桶金多數靠短炒，但要發達唔使憂、股票變磚頭，一定要長?。早幾年有前輩教路，不要單單睇手頭上「?住?」股票，更要儲定一堆「觀察名單」傍身。
所謂觀察名單，就是呢一刻你想買但唔會買的股份，不是你買唔起，而是值博率低，所謂有買貴冇買錯，只是自我安慰的說法。當發現到一隻心儀股票，理論上好?唔會有平?，且高傲得難以令人接近。這時候，你並不是放棄，而是將它暗藏心裡，默默等候，然後等位乘虛而入。
借生活經驗揀好股
乘虛而入的意思，有兩個層面。一是衰大圍、一是衰自己。經濟學101有教，持股數目越多，理論上風險趨降，但去到某個程度，風險不會再跌。當外圍市況逆轉，全世界都面對系統風險，股價自然一齊?包散，例如2008金融海嘯，無論質優質劣，一樣被人照掟無情講。觀察名單股份暴瀉，價值投資重臨。至於衰自己，就是自己本身問題出錯，壞消息令股價裂口下墮，如果相信公司捱得過，這隻「觀察名單」股份就是買入時機。
發掘觀察名單，股榮靠日常生活接觸而納入。例如屋苑樓下商場翻新，連唯一的酒樓都要搬走，百佳都要死開，就算你幾唔鍾意超人都好，擁有管理商場的置富(778)，高位跌了兩成半，當然要買些看門口。
最近一隻被睇中的觀察名單股份，緣於凍檸茶的誘惑。股榮每日差不多飲三杯凍檸茶，近乎上癮。好奇之下，究竟係我問題，定係全港市民都愛飲。獲樓下茶記老闆默許，在中午食飯時段企了一句鐘，記低客人叫飲品種類。102杯飲品中，凍檸茶佔43杯(42%)、凍奶茶有20杯(20%)、其他熱飲及凍飲分別有31杯及8杯。
維他奶列觀察名單
翻查AC Nielsen早幾年數據，香港人一年間共購買2億包檸檬茶飲品；用香港人口計，即每人每年飲27包。要數凍檸茶受惠股，維他奶(345)應是首選。過去五年年報，茶類飲品佔維他奶整體營業額約兩成，以最新年度計，是一盤十億元的生意。睇過五部維他汽水機，18件產品中，檸茶佔8盒，比例超過四成。
維他奶1994年上市，千禧年底買入，去年底沽出，回報逾10倍，正正是一隻十倍股。股價今年跌了17%，往績市盈率(PE)33倍，今年預測PE仍達28倍。當可口可樂PE只是廿倍之際，目前買維他奶，我驚要嘔奶，還是先放入觀察名單等位入。
股榮
https://www.facebook.com/stockwing1
股榮
趣BlogBlog - 股榮 舊文