魚樂無窮：一隻平靚正的工業股
由9月4日高位25362點計，恒指約一個月累跌2,000點，期間能夠力保不失，已算萬幸，能夠逆流而上?，更加值得尊重。中期業績交足功課?東江集團(2283)，一個月累升兩成，絕非池中物。
東江主要業務為模具製作及注塑組件製造，產品用途廣泛，由手機、數碼設備、醫療器械，到家電、彈珠機及汽車等，可謂一應俱全。截至6月底止，中期收入增長12%至5.3億元，盈利更增長37%至5,309萬元。業績後連環公佈收購，包括以1,200萬元一間跨國公司?製模附屬，另又以255萬元，收購德國同業。後者金額不大，卻極具策略意義，皆因今次落戶德國，對擴充歐洲版圖有莫大幫助。建銀便預期，透過今次收購，東江有機會奪得福士定單！成事的話，肯定不得了。公司淨現金達2億元，收購彈藥十足。
東江購德國同業擴版圖
更吸引之處在於，現價歷史市盈率僅得6.3倍，還未反映新收購?協同效應，意味估值只會更平，年度化息率卻達3厘，用禾稈?珍珠?形容絕不為過，難怪建銀持續給予跑贏大市評級，最新目標價2元。唔貪心，打個九折，睇1.8元，潛在升幅都有三成。
P.S.噚日因公事遊走金鐘灣仔一帶，冇車冇廢氣，空氣特別清新。不少返工男女特意到抗爭區開餐，比起平時要同人爭位，更顯悠閒。唔敢講中環金鐘友贊成佔中，但香港心臟地區竟然有個上佳?氣位，相信冇人會唔like。
唐牛
https://www.facebook.com/tongcow88
唐牛
魚樂無窮 - 唐牛 舊文