中環迷你裙：喜尚甜品掘金路
■喜尚買?發記甜品在強國的獨家經營權。資料圖片
大陸肅貪下餐廳訂位變得容易，唯獨甜品舖還是成巷成市。因為小本經營舖位淺窄，亦是朋友飯局熱門落腳點。《壹仔》講過單?旺角廣華街就有七間甜品舖，月租成八萬八，要賣3,000碗芒果西米露先回本，迫使甜品舖要好打得，賣齊中式糖水、班?、燉品、窩夫、心太軟等，實有款?，創業板公司喜尚(8179)吼準商機，買?發記甜品強國獨家經營權。
喜尚賣開乳豬，開多瓣做甜品確實落差太大，其實個推算唔難計。大陸市場研究機構2013年的調查指，每周食多過兩次甜品?消費者由36%上升至40%，而一線城市?八十後人均每月幫襯400人仔。有大陸人來港取經，一開舖就每月大賺過萬人仔。至於點解係「榴槤飄香」聞名的發記？請不要看輕強國人接受能力，東南亞入口的榴槤，每年都有雙位數增長。
當喜尚發現，乳豬、舖租成本越貴，捱餐死後中期純利都仲要微跌1%至799萬元，而來貨價僅幾蚊的西米，可以變出每碗20蚊的西米露出來，很難抵受得住高毛利的誘惑。早幾年Samantha同甜品老闆傾過，在華開甜品舖話咁易，難題在於要控制品質，就算有中央廚房主理，但夏天令食物變數更大，官腔點講句：成熟一個推一個，才是勝負關鍵。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文