智取大市：短線瘋狂中國先做到
俄羅斯盧布?價近期大幅波動，人民幣又連續兩日走低，宏觀環境睇起上?好似危危乎，滬股通額度更一度超過100%，證明外資掟貨，令到噚日內地A股終於出現減息以?最大跌市，滬綜指收市跌5.4%，其實由高位計，指數跌?成7.5%。
畢竟星期一滬綜指9日RSI能夠上到96.6，短線瘋狂市況可以話?主要股市近代史之中甚為少見，真係中國模式先做得到。噚日跌市就令指標一口氣由96.6跌到去65.6，理論上係一個急劇調整，未確認見頂下跌，如果一下子明顯跌破中軸，例如再跌到去45左右，先至確認到A股情緒急轉直下，升市玩完。A股短線係咪玩完，可能今日就揭盅，如果金融股全線再跌停，好大機會形成恐慌性拋售，到時冇得唔棄械投降，如果成手金融股，今日再遇到大跌市，就點都要止賺。
反之，如果拗腰升番，大家又會覺得調整完成，連一批原本驚超買?技術派都趁破旗衝入，即係個party會開得比之前更大，到時回報三成真係唔少得，隨時癲過之前。呢個位要撈貨博有多一轉，真係要有整個持倉輸一成止蝕?心理準備。
建築設備股成焦點
揀股方面，可以先回顧番上個星期一，當日恒指收市跌620點，個股跌勢當然冇噚日咁恐怖，但當日一眾金融股跌幅3%至5%，相比之前金融股單日升一成?強勢，調整幅度算細。結果係一批金融股上星期一已經見底，之後連升一周，券商股中信証券(6030)五日累積升五成。
至於噚日，個別建築設備股升完頭也不回，龍工(3339)、中聯重科(1157)升半成以上，A股方面，有做水利工程?中國電建升停板之後復牌，但大跌市升幅只收窄至4%，證明呢個板塊似足上星期一?金融股，如果A股未死得，呢兩日就係基建、建築設備股最後召集。點解基建同建築設備股得？原因市傳中央經濟工作會議將會重點提到「一帶一路」，呢個由噚日開到星期四，呢批股就可能成為本周重點。
股份方面，龍工可以望多兩眼，佢本身從事裝載機業務，由於內房市道轉弱，令建築行業近年放緩，加上應收賬偏高，所以股價跌到谷底，但年度化市盈率8倍，估值低殘，而家有埋國策扶持，上升水位充足。龍工股價年初至今形成大圓底，噚日剛剛突破頸線，大跌市仍大升7%頭也不回，強勢實在值得尊重，如果A股仲有得升，龍工2蚊冇走雞。
晉佳
http://www.facebook.com/pages/晉佳/719009541518415
本欄逢周三刊登
晉佳
智取大市 - 晉佳 舊文