中環迷你裙：港股大陸化惡炒
■全個港股演繹土豪式炒法。資料圖片
「要重新適應一個人，是很累的。」余春嬌在猶豫應唔應該同張志明發展新關係下說出呢番話，余春嬌，好在仲有得揀，Samantha，滬港通開車後，在適應新炒法上冇得揀。
全個港股演繹如何謂土豪式炒法，顛覆過去堅守的止賺止蝕紀律，縱然如此，Samantha仍焗住魚缸中同表叔大鬥法，著實很累！今天表叔們，與當年唔識睇圖、RSI、MACD、平均線，只係識睇市盈率的自己最大分別，就是在財力上，最歡喜中「?把降」和「消息降」，幾成、一倍升幅閒閒地，所以揀?杯茶未必冇運行，中共工作經濟會議機械股仲有得憧憬，在此推介三一國際(631)。
失落良久的機械股因習總起飛，能否長升則要睇集團能否爭氣，三一國際顯然準備好了！三一上月獲注入海洋工程產品供應分支三一海工國際全部股權，咁大單刁僅花上1.94億元(人民幣．下同)，呢支豉油出得抵，阿媽又願意在煤業低迷下拉三一國際一把，轉型成海洋工程公司，食住海上絲綢之路的國策。
三一上月成功賣出遼寧省物業套現4.2億元，助補充資本，該股中期倒退31%，但股價仍橫行，呈見底跡象，故注資消息一出該股即突破長達四年的巨型下降軌，大股東持股高達七成，隨時在呢幾日會議中有驚喜！
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文