中環在線：辭任精電CEO金融界傳言滿天飛
蔡東豪恐懼升級？
■蔡東豪(左)幫過高振順好多忙，精電話好業績都歸功於佢。資料圖片 
因為「我恐懼」而摺埋「主場新聞」之後，精電(710)行政總裁蔡東豪(Tony)好似自此被滅聲咁，7月到?家一直「笠水」。「主場」舊班底近日埋首謀翻生，Tony噚日就辭去精電CEO兼執行董事，明年3月底生效。公司高層起身通常有3個月gardening leave，所以相信Tony係做埋12月底就last day。
Tony以「我恐懼、我誤判、我愧疚」來交代「主場」死因，但行文吞吞吐吐，加上有傳佢?「主場」摺埋前幾日失蹤過，成件事迷離到不得了。咁Tony又點解要離開精電呢？根據公司通告?官方說法係「私人理由」。精電新聞稿都無乜線索，只係話主席高振順(Johnson)要將公司好業績及回報歸功Tony，Tony就感謝Johnson畀空間佢策劃公司發展(下刪幾百字)。
10年人工加埋有80球
蔡東豪係金融界神話，佢憑寫專欄寫到做精電CEO，10年人工加埋有逾80球，成為「廠佬」界紀錄，惹來唔少人葡萄。今次佢離職，金融圈花生友召開「死因」靠估研訊庭，有人就戥Tony擔心，估係咪令佢「恐懼」?原因升級，連精電份工都保唔住？亦有人就估Tony係有好路數，會唔會有機會加入傳媒機構？不過江湖都有傳過Tony疑被監管機構緊盯，所以一直要保持緘默。
同一時間「主場新聞」近日傳出最快月底「復活」，據聞「主場」總編輯余家輝表示，新網媒不會以「主場」命名，「會是一個全新的平台」，部份舊班底會參與。
華華截稿前仲未搵到Tony親述離職真相，或者會否重返「主場」，希望佢快?再度暢所欲言，為香港發聲啦！
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文