魚樂無窮：散戶破宿命玩殘基金
■近日中港股市chok爆程度，用齊過山車、海盜船、跳樓機都唔能夠準確表達。資料圖片
傳媒愛以過山車形容單日波動市況，近日中港股市chok爆程度，用齊過山車、海盜船、跳樓機都唔能夠準確表達，稍為綁唔緊安全帶，也足以致命。有說A股由散戶主導，港股則係基金大戶?莊，觀乎近期港股百分百緊貼A股走勢，散戶完全牽著基金鼻子走，一破基金玩殘散戶宿命。
股市先插後回升，如果堅信A股未玩完?戰友，應該?低位撈到唔少靚貨，至於係調整完成抑或死貓彈，套用曹sir名句，木宰羊！
短炒吼英皇國際四環
趨勢尚未形成，今日推介兩隻短炒股止下咳。第一隻，英皇國際(163)。唐牛，你玩?咩，自由行概念玩完啦，仲玩地產收租股？無錯，概念玩完，但旺氣搭夠。大股東楊生最近人氣爆燈，旗下新傳媒(708)賣盤變身十倍股，旗下藝人謝霆鋒入主漢傳媒(491)又炒到癲，英皇證券(717)更加唔使講，單日可倍升。英皇國際PB唔夠0.3倍，3.7倍PE，6厘息墊底，挾著近期有新盤推出，炒番一轉合情合理。
第二隻，四環醫藥(460)。原因？跌得多要彈，預期中資金融股短期都係chok上chok落，早前慘遭瘋狂洗倉?新經濟股，可以乘勢反擊，四環由高位最多唔見三成，9RSI最低去到15，橫睇豎睇都要彈番幾棍，用六蚊做目標，已經好和味！
唐牛
https://www.facebook.com/tongcow88
唐牛
魚樂無窮 - 唐牛 舊文