魚樂無窮：買美聯好過盲搶?房
■美聯集團上周宣佈盈喜，預期首11個月賺6,000萬銀。資料圖片
寒流未襲港，香港率先病了。一間冇人睇?電視台，欠薪過千萬，但繼續屹立不到。一個空氣清新?商業區，「回復正常」後由私家車、巴士、的士佔領，依舊動彈不得。一個傀儡政權，強硬清場後卻無視民意，準備啟動新一輪諮詢，我行我素。一個不擅溝通的人，做事只會事倍功半，何況係一個政府。
油價瘋狂下跌，本地油公司跟加唔跟減，?車一族除非有炒航空股，否則難以受惠，一個唔好彩?石油股或者頁岩氣股，更加輸到眼坦坦。不過，通縮憂慮再次燃起，美國加息時間有望再次延後，即時受惠?，肯定係供樓人士，盲搶樓活動隨時再升溫。美聯集團(1200)上周宣佈盈喜，預期首11個月賺6,000萬銀，比起舊年全年勁蝕2億銀大大改善。按比例計算，全年可賺6,500萬銀，現價市盈率大概40倍，難怪報喜後股價冇反應。
咁貴都仲推介？炒股炒前景，美聯賣點在於新供應看俏，除私樓落成量回復正常外，還有兩類新供應──新居屋及辣招盤。翻查資料，加強版辣招最長鎖死三年，明年10月即將鬆綁。雖然樓價或從高位回落，但唔好忘記，成交先係主導美聯業績?主因，家陣三四百萬樓大家當寶，發展商亦變陣狂起?房樓，日出康城第時都有一房賣，成交肯定旺爆，明年今日，美聯股價肯定跑贏樓價！
唐牛
https://www.facebook.com/tongcow88
唐牛
魚樂無窮 - 唐牛 舊文