異動空間：中交建候低吸
去年分拆完港燈（2638）後，誠哥又有重磅新搞作，將長實（001）及和黃（013）進行換股合併，變為一間新公司長和集團，再將地產業務分拆出，成為長地集團。要拆解呢單刁，買邊隻、沽邊隻？最重要睇嚇新公司揸乜資產。
長和將持有港口、電訊、零售（如百佳、屈臣氏）、赫斯基能源、基建、飛機租賃以及長江生命科技（775）、TOM集團（2383）等投資業務。簡單講就係將和黃非地產業務食曬，業務比較雜，但風險亦較分散，增長動力較多（如飛機租賃），海外exposure亦較長地多，睇歐美復蘇，博長線較高回報，應該揀長和。
長地就包括中港及海外的地產業務以及一眾已分拆的REITS，屬於純地產及收租股，業務相對集中於大中華區。鍾意穩定的磚頭股可揀長地。戰友如持有長實可等換股收長地股票，待長地分拆上市後沽出，再加碼買番長和。
而個市A股風高浪急，本周新股會抽走不少資金，大陸散戶隨時掟貨套現找數，周初沽壓應不輕，但只屬短暫調整，有貨可繼續持有，未買就等位介入，中交建（1800）如回落至9蚊以下不妨一試。
魏力
http://www.facebook.com/2012jason
魏力
異動空間 - 魏力 舊文