實戰理論：樓市具備爆煲條件
■樓市確實具備爆煲條件，只是時間上的問題。 資料圖片
假期前市況仍是窄幅上落，成交縮減至四百六十七億元，兼冇乜特別話題，炒家亦已放假。過年後回來會否紅盤高開？要看外圍的表現了。希臘跟歐央行談判拉鋸，最終能否得到共識，難以估計，但在時間上仍會拖拖拉拉，令港股有後顧之憂，難以大升。
最近樓市爆煲論成市場上最熱門話題，兩個大好友，一個轉軚話爆煲，一個繼續看好，實乃觀點與角度問題。樓市確實具備爆煲條件，只是時間問題。然而，樓市的周期較股市為長，兼且上車容易落車難。看中去年樓價升又如何？去年仍大大聲叫人上車，叫人買樓，就算你今年話終於見到將爆煲訊號，跟你上了車的人又如何去做？
跌幅肯定不止兩成
去年、前年接貨，除享受著賬面上短暫歡愉外，明年跌三成，甚至負資產，這又應否洋洋得意話自己看中市況。出現三、四、五、六按的情況並不是始於今日，亦不只限於中下價樓。
早前報章已報道，有內地客一手掃貨時是全數付款，但其後不斷加按套現，最後斷供而令物業成銀主盤。此方法正是賣不去而可以套現的好辦法。
若經歷過一九九七至二○○三年樓市熊市周期，應知道若市況一旦逆轉，殺傷力有多大。只要樓市回落至合理水平，過去數年入市的投資者，也有機會面對嚴重損失。
基本上，過去數年令樓價升的因素，已逐漸出現逆轉情況，若真如樓神所講要爆煲，絕不只局限於細價樓，亦不止於一兩成跌幅。
沈振盈
證監會持牌人士
沈振盈
實戰理論 - 沈振盈 舊文