魚樂無窮：尋找新一輪北水愛股
■漢能橫行接近一個月，翻叮可能性不低。 資料圖片
內地基金獲准南下掃貨，一石擊起千重浪，大市成交突破千億，創今年新高。一帶一路、大折讓、券商股炒到飛起，香港隊以港交所（388）最癲，成交史上最勁，雙紅底股冇走雞。
既然市場buy呢套玩法，唔好理咁多，一於跟紅頂白，諗嚇新一輪北水會買乜，今日研究咗兩隻香港獨有股，同戰友分享一下。
第一隻︰漢能（566）。「嘩，雖然業績勝預期箒，但六十幾倍PE喎，點買呀？」你啱，係好貴，但唔好忘記，漢能係港股通上榜常客，單計今年升幅都一倍過外，基金都係人，參考先頭部隊點買貨是常識吧，吼中漢能絕對唔奇。再講，漢能橫行接近一個月，翻叮可能性不低，用6.5元做止蝕位，睇7至8蚊，夠曬值博率。
第二隻︰暢捷通（1588）。雖然唔係港股通佳麗，但追落後空間十足。佢阿媽用友好出名，內地軟件市場有「北用友，南金蝶」嘅說法，江湖地位甚高。今年軟件股炒到啪啪聲，用友累升93%，本地三寶金山軟件（3888）、金蝶（268）、擎天（1297）平均升近五成。暢捷通？只得兩成！再講，暢捷通預測PE僅15倍，比用友、金山、金蝶同擎天平均嘅37倍平足六成，呢兩個數據，加埋阿媽強勁後台，足令呢隻市值唔夠十億嘅大落後股爆上啦！
唐牛
https://www.facebook.com/tongcow88
唐牛
魚樂無窮 - 唐牛 舊文