魚樂無窮：南華金融上演復仇記
■南華金融近年三度獲洽賣盤，但無功而回。 資料圖片
南華金融（619）發盈警，預計全年業績將見紅，但股價竟反高潮炒上9%，究竟所謂何事？
睇清楚，原來虧損來自投資物業公平值變動，收入同上年度比較無大變化，證明本業好穩定，說穿了係假盈警。
「假盈警都唔係炒高理由嚟嘅，又唔係有寶！」你咁諗就錯喇，南華金融確實係寶。無他，近期證券業併購潮可謂浪接浪，回帶睇番︰先有西南證券旗下西南國際全購敦沛（812），再嚟泛海控股擬購時富金融（510）逾半股權，最新就係光大證券收購新鴻基公司（086）旗下新鴻基金融七成股權，以及中信証券（6030）收購昆侖金融（8077）六成股權。
一大輪數據後，考考你，以上交易有乜共通點？冇錯，全部都係內地券商南下尋寶。新鴻基公司過百億市值，昆侖金融係創板股，用嚟同南華金融比較唔公平。睇敦沛同時富，過去一年因併購消息分別炒高1.5倍及2.9倍，南華金融期內竟然喪插六成，十萬個不合理！從估值出發，敦沛PB5.5倍，時富2.9倍，南華金融僅一倍，平均折讓76%。
唔好忘記，南華金融近年三度獲洽賣盤，但無功而回，究竟係買家嫌棄，定係賣家吊高嚟賣？我信後者。最新市值只得五億，加上本地證券股買少見少，大炒特炒只係時間問題。
唐牛
https://www.facebook.com/tongcow88
唐牛
魚樂無窮 - 唐牛 舊文