魚樂無窮：金六福變身振翅高飛
■陳家強指基金互認不會令股市大升，但過往高官點評股樓，市民只要對著幹，肯定發過豬頭。 資料圖片
中港基金互認、A股喪升成交新高，好消息滿天飛，不過，最好嘅消息係財庫局局長陳家強潑冷水，指基金互認不會令股市大升。有辦你睇，過往高官點評股樓，市民只要對著幹，
肯定發過豬頭，如此完美track record，唐牛謹代表普羅股民，向陳局長表示謝意！
米蘭站（1150）發通告，控股股東姚君達已向第三方出售16.6%股權，近期兩度回試2.2元均能守於其上，短炒以此作入市參考。另一隻疑似賣盤股威發（765）成功破頂，最新市值未夠5億，戰友坐定定睇好戲。
驚賣盤消息得個炒字？今日推介嘅金六福（472）啱曬你胃口。公司上月底公佈，第二大股東新華聯不動產，以每股0.66元作價，收購大股東雲南金六福50.41%股權，涉資5.6億，持股將增至63.35%，故須以每股0.66元，向小股東提出全購；另外，公司又會以同樣價錢，向獨立第三方配售6億股。一輪動作後，新華聯不動產將持有金六福46.6%股權，成為大股東。新華聯不動產2011年喺深圳上市，最新市值300億，金六福只得奀豬20億，一成都未夠，湊大空間無極限。據線人所講，金六福近年賣殼消息不絕，結果均無功而還，今次嫁得戶好人家，點會滿足於一倍升幅呢？上周五再有資金湧入，新一波升浪一觸即發，各位戰友睇住呀！
唐牛
https://www.facebook.com/tongcow88
唐牛
魚樂無窮 - 唐牛 舊文