中環在線：「恒生新抱」何倍倩
鍾意被叫老闆
■何倍倩細細個就已經接觸美容產品。 李潤芳攝
唔少人嫁入豪門之後，都按興趣搞生意、參與慈善活動。有「恒生新抱」之稱嘅何倍倩（Anina）一樣，佢10年前與恒生銀行（011）創辦人之一何善衡孫兒何乃斌結婚，婚後兩年創立護膚品牌Zensati
on，佢其中一個心願就係踢走「恒生新抱」呢個稱呼，希望將生意發揚光大，其他人都改稱佢做「Zensation老闆」。
Anina坦言，家人有叫佢做少奶奶咪好囉。不過佢一畢業，父母提供六位數資金畀佢創業，做護膚品代理，佢一直想繼續喺呢方面發展；加上婚後冇經濟負擔，令佢冇壓力咁做生意，就算要照顧3名子女，佢都唔想放棄事業。
而且，佢發覺有自己事業，跟丈夫有更多話題。佢透露，最近有私募基金有興趣入股佢間公司，佢唔熟悉財務，丈夫就畀到好多意見。不過，避免有爭拗，兩夫婦平時唔會幹涉對方嘅工作，此乃夫妻相處之道咁話。
搞護膚品 因媽咪啟發
至於點解做護膚品，Anina話係從媽媽身上獲啟發。佢媽媽做美容儀器代理生意，Anina兒時已跟媽媽周圍去睇廠、睇美容儀器，「自細已經知道一支唇膏點整出嚟」。因此，Anina起初創立自家護膚品，已有門路搵廠生產。
佢深明香港對本地護膚品牌嘅認受性唔高，於是先進軍美國市場，打響名堂先，希望香港市場更接受呢個品牌。
的確，相對其他歐美日韓護膚品牌，Zensation在港嘅知名度唔算高，Anina想將佢發揚光大，令到大家都記得佢係老闆娘，以後寫佢個名之前，唔一定叫「恒生新抱」，相信仍需要一段時間，加油吧！
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文