魚樂無窮 - 唐牛 2015年6月11日
魚樂無窮：從儲局議息搵股落鑊
■要數本月其中一個不明朗因素，不得不提下周聯儲局議息。 資料圖片
要數本月其中一個不明朗因素，不得不提下周聯儲局議息，雖然未到最後一刻，都唔知幾時開波，但上調步伐緩慢，卻是所有人的共識，預計加一至兩次後，當局就會停一停、諗一諗，睇下經濟以至投資市場有冇異樣，再作打算。
作為息口敏感股嘅地產股，短線衝擊雖然有，但始終一日未回復以往的高息水平，影響始終有限。今日一口氣推介兩隻地產股，有傳統特色、有炒味濃鬱，任君選擇。
第一隻，永安集團（289）。除做百貨外，亦有大量物業投資，本地包括上環、尖沙嘴、油麻地，外地則有美國及澳洲，全屬商廈物業。磚頭有價，永安最新NAV高達49.22元，以現價26.75元計，PB只得0.55倍，息率卻高達6.6厘，絕對係悶聲發大財之選，揸佢一年半載，兩成回報冇無難度。
第二隻，利福地產（2183）。由利福國際（1212）分拆出來，一直未有大動作，故持續錄得虧損，大股東劉鑾鴻卻密密增持，最新持股去到74.53%，究竟搞邊科？答案似乎只得一個︰收夠貨賣殼！利福地產現價3.1元，有排未去到NAV價4.04元，從殼股角度出發，十萬個超值，一旦變身內房殼，以其13億市值計，爆發力高達十粒星，近期企穩3元水平，有力再上一層樓，小注博大炒制得過！
唐牛
https://www.facebook.com/tongcow88
唐牛
魚樂無窮 - 唐牛 舊文