女神tea time：中國動力要加速
■中國經濟、股市運滯大勢所趨，阿爺基本上已經有招盡出。 資料圖片
中國經濟、股市運滯大勢所趨，阿爺基本上係有招盡出。之前雙降，大市反應有限；再來多招養老金入市，大嗱嗱2萬億元人仔，聽落好巴閉。不過對中、港股市嘅支持，只係得半日貨
仔，噚日恒指都係倒跌186點收場。
家陣真係炒股不炒市，績優股都可以炒嚇，但你話啲經濟周期股份，好似銀行、工業、零售呢類就真係避嚇。
股份推介方面，噚日隻中國動力（476）升得靚，收市漲8%報0.52元。其實公司業務拓展方面，都算係好積極。公司最新公佈，與香港生產力促進局合作研發的首部「香港品牌」電動巴士下月7日面世，預期最快明年首季可推出市場。另外，之前又成功獲河北邢台市政府100架電動巴士的定單。
內地政府近年提高對公共巴士行業的環保要求，勢掀換車潮。中國動力就會同重慶國企兩江創投合作，政府單更易得手。公司之前就預料，今個財年會有600至1,000架尺寸為6米以上的電動車定單，成為集團全年收入的主要來源。
部份電動汽車概念股近期跑出，比亞迪（1211）、泰坦（2188）近期見升浪。中國動力氣勢轉強，係時候追落後。觀察嚇，若成功突破0.6元阻力，博上返5月高位0.8元。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文