財經評論：新樓容不下家電
■大埔嵐山單位不足200方呎，卻容不下基本家電。 資料圖片
做人要量力而為，買樓就更加，是長遠而沉重的經濟負擔。上車客「冇咁大個頭，唔好戴咁大頂帽」，通常買細價樓，首期及供款都較少，即使面積細，空間小也接受，個別買家想要全新單位會揀劏房盤。
不過，時下新樓劏房盤，蚊
型得可憐，而且越來越驚嚇，以為有基本家電是合理期望，實情是容不下雪櫃及洗衣機，無得附送。
經典之作非大埔嵐山莫屬，開放式單位實用面積不足200方呎，唔使200萬有交易，電器卻「百無」。單位固然袖珍，內櫳分兩類，一類窗前角落簡單設有組鋅盆地櫃；另一類有獨立廚房，也不見得好，原因廚房門向外開，內裏如一個浴缸般大，左右兩組地櫃，一組設鋅盆，另一組純粹貯物，欠奉爐頭、抽油煙機、微波爐、雪櫃及洗衣機。牆身有個兩個插蘇，閣下自理，一個用來煲水，一個用來自己買電磁爐煮食。
廚房有等於無
這類蚊型戶業主，以年輕上班一族為主，平日多在外間用膳，但放假不排除留在家，想煮餐住家飯，這樣的廚房非廚房，有等於無，意義何在？沒有抽油煙機，算吧，真正劏房亦如此；沒有電磁爐、微波爐及雪櫃，就可以自己買，數千元而已。講真雪櫃家家必備，天時暑熱冷藏凍飲，唔買唔得。
然而，沒有洗衣機，自己肯花錢買，但屋內無提供來去水位，買了無法安裝。不想自己手洗衫，唯有光顧洗衣店。可是，每月供樓及其他開支已佔入息的大部份，盡量節衣縮食，再花錢光顧洗衣店，非每個人所願，兼且衣物拿出拿入，耗時又麻煩。
以往覺得買新樓廚房電器齊備是應該，事實非必然，單看示範單位不足夠，最緊要睇清楚樓書。近期佐敦新盤AVA62又是一例，實用面積152至253方呎，每層4夥，以最大面積的A室做示範單位，包括裝修及交樓標準兩款，廚房有齊上述所有電器，但原來無做示範單位的B至D室，洗衣機欠奉，不看樓書不知道。
記者：溫潤潔
財經評論 舊文