女神tea time：猴年利是股博一博
■華富國際上周五大升三成；圖為集團主席包利華。 資料圖片
踏入猴年，先祝大家一本萬利，炒股眼明手快，無往不利！不過新年伊始，外圍壞消息接踵而來，美股、歐股、日股全部大跌，市場氣氛極差，更開始擔心會再一次出現金融危機。
最近睇咗以2008
年環球金融海嘯做背景嘅《沽注一擲》，提到銀行一早預咗政府會出手救。不過今次其中一個風眼係中國，最近每次人行減息降準，市場冇反應都還好，但事實係市場即沽！反映市場已對中國放水麻目。中國監管當局有冇智慧去處理又係另一個問題，以最近外資喪沽人仔，唔係出口術，就話想「暴力」阻止。面對金融危機，如繼續以此低質手法去「救」，只會令所謂「支爆」出現的機會更大。
新年派下利是股博一博，華富國際（952）去年公佈，獲民生銀行（1988）牽頭，聯同新希望、安邦人壽等財團入主，合共斥資過百億元認購華富新股，並提出全購。交易目前等埋監管機構審批，就可以進行全面收購。單刁一直未有進展，但華富上周五突然大升三成，或者有春江鴨先行開餐。由於全購價係每股1.38元，所以呢個價位樓下買都係好安全，完成單刁後，股價隨時飛天，現可跟風追入！
Fifi
http://www.facebook.com/lovefrystock
本欄逢周四刊出
Fifi
女神tea time - Fifi 舊文
來源 source: http://hk.apple.nextmedia.com