異動空間：股債金市新玩法
■美國大選前要「歌舞昇平」，加上中歐日經濟唔掂，聯儲局下半年睇來都係唔加息。 資料圖片
個市超級惡炒，原因之一係許多根深蒂固的操作理念，今年都不再管用，近期又有一例：英國脫歐公投後，risk-on（例如股票）及risk-off資產（例如貴金屬、債券、公用股）
開始齊升齊跌，股債金市齊放煙花，這是甚麼新玩法？
相信反映了市場兩個核心思維：1）放水救市效用遞減，當呢招已經唔work，但央行係得一招，你仲敢樂觀？
2）量寬玩到個市長期低增長、低通脹，半生不死一樣，市場最確定的是「長期不確定」，唯有大幅降低預期回報，「磨爛蓆」鬥長命。大戶囤重兵在債、金及防守股，堅定不移做倉膽，除非一天都光曬，先會拆倉入番股市掃貨。反觀股市近期反彈屬短炒為主，個個博三番、搶雞糊，隨時準備撇，無trend嘅市最難玩。
上周美國非農數據靚爆鏡，但大選前要「歌舞昇平」，中歐日經濟唔掂又可以「賴住先」，下半年睇來都係唔加息。高息工業股嘉利國際（1050）近日炒爆，可吼去年下半年業績大改善、股息逾5厘的興達國際（1899），淨現金護身，市賬率0.55倍，過去1個月幾乎日日回購，管理層都做曬嘢，仲唔跟？
魏力
http://fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.apple.nextmedia.com