Money Walker：
遙不可及的3厘息
■儲局官員大多預期，呢輪加息周期利率會喺3厘見頂。 資料圖片
聯儲局主席耶倫（Janet Yellen）上周五喺Jackson Hole中央銀行家年會上暗示12月或會加息，但筆者相對更著眼於耶倫當日有關非常規貨幣措施嘅言
論，佢提及如果美國再現衰退，除減息外或再推QE。
市場早已不排除QE會再喺美國出場，所以耶倫今次論調唔算新鮮，但有關言論亦反映一點，就係耶倫唔會因為怕將來衰退時冇空間減息，就把握現時經濟不俗嘅黃金時間急住加息，因為即使將來冇buffer減息，亦可透過QE刺激經濟。
換言之，儲局已經少咗個誘因加息，而美息喺呢個加息周期，見頂水平亦應該會低於以往。金融海嘯前4厘先叫正常息率水平，但儲局官員大多預期，呢輪加息周期利率會喺3厘見頂。筆者就質疑最終可能連3厘都冇，因過往經驗顯示，儲局官員嘅預測利率水平往往較實際樂觀。
簡單加減乘除，現時美國息口只得0.25厘至0.5厘，以每次加息0.25厘步伐計，起碼要加夠十次先到3厘，即使以每口加半厘計亦要加夠5次。美國對上一次加息係去年12月，至今事隔近9個月都加唔到第二口，加到去3厘最快估計亦要三幾年之後，恐怕未到3厘經濟已由盛轉衰，再冇加息必要。
當連全球經濟最勁嘅美國，其資產中長期都提供唔到3厘回報，就意味住現時環球債價、圓滙同高息股反覆走強、大漲小回嘅格局不改。隨住美國加息預期增強，上述資產調整，會係鎖定利潤後再趁低吸納嘅機會。
El.
http://fb.com/moneywalkerhk
本欄逢周三刊出
El.
Money Walker - El. 舊文
來源 source: http://hk.apple.nextmedia.com