異動空間：國企炮製大龍鳳
■泰昇集團擁有國企「銀河艦隊」般的股東背景；圖為集團副主席馮潮澤。 資料圖片
很多時，炒得最瘋狂的股票，並不是業務紮實、盈利高增長的股份，因為盈利點勁都有數得計，未必夠sexy。炒股，其實係炒憧憬，幻想無限大的股份就最好炒。泰昇集團（687）擁有國企「銀河
艦隊」般的股東背景、想像不到的注資規模、街貨流通量僅約3%、64億元市值，你估可以升幾多？
今年四月，泰昇集團獲海航集團以每股4.53元入主，今起易名為「香港國際建設」，但是因為大股東加一致行動人士持股逾86%，收得太乾，公眾持股量不足要停牌。要公眾持股量回復25%，需向街外人批新股，但太散又炒唔起，要復到牌而手貨唔散，就要國企「friend底」圍飛。
泰昇先後向中建築、中交建、北京建工、中鐵四家國企批股，每股4.08元，每位佔擴大後股本5.03%，禁售期九個月，連同第二大股東私募基金黑石（持股6.94%），埋單計數，真．公眾股東只有3.53%，較配股前更歸邊！
成單刁搞咗半年，如今批曬股、改埋名，萬事俱備，相信就係大龍鳳開始！昨日午後熱身，150萬股成交推升13%，戲肉料不日上演！
魏力
http://www.fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.apple.nextmedia.com