財經評論：Winning慘輸之謎
■《FIFA》的最大殺著，是幾乎有齊球隊以至各國聯賽的版權。 互聯網
近期開著部PS4，見到上緊線的朋友，十個有九個都係玩緊EA Sports出品的實況足球遊戲《FIFA17》。
其實，10年前，如果要玩實況足球遊戲，機迷第一時間想起的，係Konami出品的
《Winning Eleven》（近年改名叫PES）。但據近日網上流傳，《FIFA17》在英國首周銷量超過了110萬套，而《PES2017》甚至還沒有達到5萬套，前者銷量是後者的20多倍，甚至更多。Konami原先打算起死回生，結果輸的更慘。
講起《PES》，機迷都會繼續叫佢《Winning》，是不少機迷的童年回憶，記者就是其中一個。但近年來身邊朋友都過曬檔去玩《FIFA》，原因都是覺得《Winning》買唔齊所有球隊以至各國聯賽的版權。
《Winning》話自己係實況足球，原來一點都唔真實，只是得「地上最強」的西甲班霸巴塞隆拿、英超的利物浦及德甲的多蒙特等可以原名亮相。就連記者最心愛的曼聯，都要叫Man Red，唔係叫Manchester United，波衫更加唔係原裝設計，要自己上網搵「補丁」改返。至於廠方今次邀請資深足球評述員Keyman馬啟仁及前體育主播伍家謙作廣東話旁述，睇落是破天荒，想切合香港球迷口味，聽落則毫無誠意，但結果被批評過於生硬。
《FIFA》的最大殺著，是幾乎有齊球隊以至各國聯賽的版權，球場都係真實，捧場客自然多，9月尾出版的第一日，身邊已經超過10位朋友入咗手。始終，真的假不了，假的真不了，要贏回機迷的心，Konami要改善的，係做好真實的遊戲內容，而唔係請名人講幾句廣東話就掂！
記者：黃嘉銘
財經評論 舊文
來源 source: http://hk.apple.nextmedia.com