智取大市：等足七年的復蘇
■玖紙股價料大有上升空間。圖為集團內地廠房。 資料圖片
炒股票，唔止要等待遍地黃金、雞犬皆升嘅日子先能夠贏錢，而係喺其他日子就算唔賺，都至少保住唔輸。
其實投資市場之內，只係好少好少時間有好日子過，仲要好多時係一日起、兩日止，稍瞬即逝，焗你追貨，走得摩仲要
輸番轉頭。近排正正係唔容易贏錢嘅日子，揸貨可能覺得唔穩陣，短炒仲衰，chok住升，一突破就回吐，容易左一巴右一巴。
要喺唔容易嘅日子尋找取勝方法，或許要做大部份人唔敢做嘅事，冇乜人敢揸股票的話，坐貨反而可能係出路，然後一動不如一靜，為整體持貨設一個止蝕位，途中某隻股票升到咁上下，就食糊再換。
商品股近排chok上chok落，呈慢升格局，升勢亦不算全面，鋼鐵股爆上，其餘又回吐，總之輪住咁炒。周期股另一唔錯選擇，就係紙業股，玖紙（2689）最近講到，存貨周轉天數係金融海嘯以來最低水平，係強而有力嘅復蘇訊號，股價就有排都未到海嘯後高位13、14元，只係喺7.5元至8元之間，大有上升空間，睇怕8元有機會突破，不妨先下一注，破位再加。至於理文造紙（2314）短期日線圖走勢差過玖紙，但長線走勢就好過玖紙多多聲，兩隻一樣得，睇嚇邊隻跑快啲。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com