異動空間：綠燈轉眼變紅燈
■內地將農業供給側改革放在首要位置，相關股份如國農憧憬受惠。 公司網頁
明明綠燈轉眼變成紅燈，無論之後是換來薯片、奶媽定係「666＋23」，全城第一個反應都係：「飲勝」！
上周五消息傳出時仲未收市，資金已率先掃起港視（1137），魏力亦派輕騎兵衝入場，5分
鐘執咗一轉，夠周末去馬交住番晚，爽皮！5要689，感覺真係好似中六合彩頭獎一樣。
聯儲局本周議息，加息4分1厘應無懸念，而市場亦已基本反映，重點是記者會上耶倫點睇明年加息步伐，相信取態仍是循序漸進居多，當然倫姨可沿用今年玩法，先拋個較高的加息次數，再慢慢縮沙，但市場仲信幾多成？市場目前共識係明年加兩次，連埋幾日後嗰0.25厘，明年底聯邦基金利率都係1厘，意味明年底仍是低息環境。
大陸經濟就似由紅燈轉綠燈。PPI五年來升幅首次高於CPI，即係廠家加價幅度高於零售商，這反映工業供給側改革奏效，資源、工業股呢排已炒起，由於主題夠明確，相信仍是基金明年初的落注對象。
另外，中央政治局會議重點提到將農業供給側改革放在首要位置。炒股炒憧憬，今年資源價低位狂彈，明年會否到農產品？這對阿爺打莊、做農產品交易平台的國農（1236）應是一大喜訊。
魏力
http://www.fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.apple.nextmedia.com