經濟客艙：
特朗普利好經濟十大理由
■特朗普掌權已成事實，不如順勢而行，尋找投資機會。 資料圖片
美國總統特朗普上場了，與其說狂人上場，倒不如以商人治國較為貼切。特朗普為市場帶來好多不確定性，擔心同憂慮都改變不到特朗普掌權的事實，不如順勢而行。如果特朗普的經濟主張
順利推行，商家得益，大市表現有望更好。
10個利好經濟嘅理由包括：
1.美國經濟增速，歐洲、日本和印度通脹再重臨，全球經濟增速可望加快。中國亦都可以受惠，應對美國需求增長。
2.加息速度未必咁快，聯儲局今年想加息3次，相信講多過做。美國貨幣政策收緊速度未會如期加快，繼續保守而走。香港供樓唔使擔心息魔來襲，供樓負擔未太快增加。
3.美國通脹升溫不可怕，最好生產力同步提升，抵銷公司企業面對成本及人工擴張影響，意味美國就業率將會改變，薪酬穩步增加。
4.美國降低企業稅後，公司稅前利潤又多咗，有望帶動公司盈利表現。
5.美國公司將存放海外資金回流美國，係咪用嚟擴大美國公司業務未知。若果將資金更大手回購公司股份或者派息，對股市有利。
6.都係嗰句，公司資金多咗調撥返美國，促進公司併購，靜極一時嘅美國IPO都可以搞番起。
7.假如擴大基建同金融規管，工業、資源同國際金融股搵唔到唔升嘅理由。
8.特朗普再出口術話美元貴，相對其他貨幣繼續走強。
9.美國頁岩氣產量減，國際油價徘徊50至60美元上落。
10.「美國製造、買美國貨」美國製造工業2.0憧憬，車廠又話搬回美國生產，鋼同鋁呢兩種原材料需求增，基本金屬原材料價格繼續走上。
Captain Cool
https://www.facebook.com/seeforcaptain/
本欄逢周一刊出
Captain Cool
經濟客艙 - Captain Cool 舊文
來源 source: http://hk.apple.nextmedia.com