【今晚「目及」靚股】1182有苦自己知（梁風）（JUN 05）
2017-6-5 8:15:19
勝龍（01182.HK）公布，潛在買家決定不繼續向賣方及其聯繫人士購買目標股份，總次就係賣唔成。
這單交易無疑會對其股價做成一定程度的衝擊，在最壞打算下，甚至有機會試返落52周
低位0.28元，即係話小弟手上持股要再接受第2輪打擊。
但有3個「已知事實」會畀小弟信心支持下去：
1）公司確認準備轉型，公司最早是用了2000萬美元（約1.55億港元）買了液流電池開發商Primus的E類優先股，這單交易為該股注入軍工概念。
完成交易後，勝龍即時與中化集團一間子公司合作，訂立為期25年嘅Primus Power的液流電池技術共同開發一項光伏發電及儲能的太陽能項目。
2）3月份新入局的主席李雪花正正同中化集團關係極深，李雪花做過金茂控股（00817.HK）執行董事近4年時間，2014年加入中國中化集團，曾出任中化匯富公司副總經理，以及中化匯富基金管理有限公司執行董事。
3）根據大師高山行最近嘅分析，勝龍的潛在買家張林林其實一路冇現過身，最有可能是在勝龍買Primus 時發了的一批新股，即是張林林的入手價要每股0.57元。
而小弟留意這隻股份都有一段時間，所以好清楚大股東成本價其實唔平，小弟亦因為咁幾次放膽走上落都賺了些少使費。
根據上面已知事實，即係公司早喺3月份已經轉咗「高層」去管理（疑似暗中易主），加上有明顯大變身動作，隨時係成為升幾倍嘅股份，亦小弟今次比較重鎚嘅主因之一。
而家就唔建議大家「狗衝式追入」了，正如前文所講，周一好大機會再插，捱價坐艇一向難頂，廢事要大家陪我坐太耐，除非周一異常走強就另計。股友有興趣可以在0.3至0.28元考慮小注上車，有勢先再加注，祝大家好運。
今晚「目及」靚股 - 梁風 舊文
來源 source: http://www.winmoney.hk