【不問價追】失落的中海物業（小炒王梁心欣）（第138期）
2017-8-17 21:00:21
點解話失落？因為小炒王於直播時段推介中海物業（02669.HK），當時處於$1.52-1.53，睇好的最大原因係預計業績好，可惜股份中間時有跌盪，曾經回至$1.4，唔夠錢買其他
嘢的小炒王只好換碼，但睇完業績後，得到以下結論。基本面唔錯
中海物業基本面唔錯，ROE 過去幾年係20%以上，係香港上市公司裡面唔多做到呢個成績。而且PE仲係同行裡面最低個間，比起綠城服務（02869.HK）嘅29倍，彩生活（01778.HK）嘅26倍，市值仲係3間裡面最低個間，估值吸引。大摩睇好阿媽中海外
大摩早前唱好中海外（0688.HK），睇好公司未來快速增長以及強勁銷售等等，中海物業係中海外去年分拆出來的物業管理公司，假若中海外未來會做得更好的話，中海物業順理成章都會好，因為阿媽起好樓就畀阿仔做管理。增長潛力高
講到增長空間，主要睇兩樣，一係自然增長（Natural Growth），第二係併購增長，先講自然增長，物業管理主要賺嘅係兩類錢，一係管理費，二係Value Added Services，睇返屋苑管理費，年年都加，跟足曬通脹，其實worst case 唔去計中海外的新物業的話，公司只要認真做好啲，就好易做到有增長，計埋的話增長潛力唔細。再講併購下的增長，去年中海外併購中信地產，阿媽自然買埋中信物業，未來遲早注入來，養大個仔，中海系的實力，睇下過去十年中海外同中國建築就知。進軍港地產 毛利提高
講起管理費，唔知大家畀緊幾錢一呎，啲新樓愈多設施就愈貴，睇返中海外，新年係香港投咗唔少地，起好嘅新樓管理費一定都係貴過現時組合入面個啲，質量提升有助公司股值進一步提升。
5.有機入深港通
公司現時市值49億左右，睇返過去一年，公司估值有幾個月高過50億，有幾個月低過，只要未來一兩個月超過50億的話，中海物業有機會入深港通，一旦入了深港通，作為中海系的一員，公司股份有機會翻多番，所以現時值博空間好大。O2O年代 增值服務有潛力
根據16年年報，目前係9:1，管理費23.34億而增值服務係2.7億，而家踏入O2O的年代，公司擁有的用戶咁多，只要好好發展，係有條件發展更多增值服務，提升盈利能力。
都係嗰句，有錢唔使換碼我一定揸住呢隻白馬股，兄弟們，努力返工搵錢啦！
不問價追 - 小炒王梁心欣 舊文
來源 source: http://www.winmoney.hk