買績優派息大股
2017/08/31 09:24:01
網誌分類: 經濟
網友IT-MAN早兩日問起買股長?的問題，佢話「Dear 陸Sir, 不知不覺我已有10年股齡, 我每年的平均投資回報率同人民幣定期存款差不多，股票這個遊戲比起其他黃金外幣的實貨買賣都難得多。」
「要從幾千間上市公司
找到有潛力又有穩定增長的公司非常困難! 未來我在股市的投資都會係指數ETF，房地產信託基金為主。」
「所謂的價值投資, 我到現在還是不能參透. 就算係騰訊的老闆馬化騰在2009年都估不到公司的盈利那麼好，結果他也做了對沖，我作為一般散戶又有何能力估計公司未來的變化。股市估市, 還是不要抱有太大期望!」
IT-MAN的話好有道理，股市唔易估，小小超當日投資了騰訊，賺少少走咗，如果唔沽，而家值6000億。不過這個世界沒有「如果」。
相信IT-MAN無買炒股，如果唔係仲傷，到時就唔係一年只有3%回報的問題，而係本金都可能輸清。
解決方案佢自己都講咗方向，要買較穩陣，肯派息的大股。有些人不想在股市出出入入，因為覺得出入仲衰。唔出入，?隻股3、5年唔出奇，如果?住隻股又唔升又唔派息，結果得個吉。有個朋友7元買建行(939)
坐咗兩年艇，最近上番水面沽了，股價無贏輸，年息收4.4厘，兩年收8.8厘，佢話好OK，因為佢?得貨多，唔望高回報，只望唔好輸入肉，4.4%年回報佢都收貨。 如買指數基金，盈富(2800)
派息2.7厘，恒生H股指數基金(2828)派息2.3厘，都係相對穩陣之選，買佢地略嫌派息稍低，加上如今在高位，中線睇現價買擔心要捱價。 房託好一點，佢地價位上落唔太大，但派息較好，如越秀房產(405)
，即使而家升到5.1元的較高位，還有6.4厘的息率，坐住唔鬱可以收6.4厘息，當然也是等回吐時買較佳。 除此之外，要睇?有乜肯派息的大股，最好業績唔錯。近期三桶油公布中期業績都幾好，在三桶油之中，中海油(883)
和中石化(386)都可以考慮。中海油就有扭虧之勢，中石化就係穩陣之選，中石化隱陣啲在於佢不太受油價下跌的直接影響(反而油價大升對佢不利)。 中石化公布業績後，花旗發表研究報告，指因提煉及銷售方面盈利提升，分別調高中石化2017至2019的盈利預測12%、17%及22%。該行認為其下遊表現理想，以及國企改革概念，因此對其維持正面看法。花旗將中石化H股目標價由5.9港元上調至7.1港元，並將評級由「中性」升至「買入」。
中石化現價6.01元，勝在唔算貴，距全年高位6.57元還有差距，現價歷史息率4.6厘，今年中期派息0.1元人民幣，去年同期只派0.079元人民幣，派息上升，估計今年派息增加到5厘以上無問題，好一點可以派到6厘息。買這類股份，衰咗可以收息坐?。
買股唔好望發達，首先要中長線都唔輸，如今維持到長期每年有6至10%回報，已經好好。
美國公布的經濟數據意外地強勁，標普500指數連繼第四日造好，收市升0.5%，報2458點；杜指靠穩，微升0.1%，升27點，收報21892點；納指在科技巨股造好帶動下，表現最好，升1.1%至6368點。昨日推動大市的主力係科技股，標普科技股分類指數升0.8%。
美國昨日公布的經濟數字非常靚仔，第二季GDP增長3%，遠高過第一季的1.2%，以及市場預期的2.7%，增速係兩年多以來最高，反映6月份消費支出以及經濟投資都有強勁表現。
美國經濟表現大好，連股神巴菲特都大跌眼鏡，他早前接受CNBC時表示，不相信特朗普政府在減稅及增加建基開支的前提下，可以達到GDP增長3%的目標。
繼上日公布的房價增長理想以後，昨日公布的零售銷售以至就業報告，都非相當理想，佔美國GDP七成的消費支出，8月升3.3%，高過7月時的2.8%，係今年以來增長最快，反映汽車、手提電話、房屋、水電等公用開支方面都高過預期。美國人第二季的平均儲蓄率亦由上月第一季的3.9%下跌至3.7%
另外，昨日公布的8月ADP私人就業部門職位增長23.7萬個，遠高過7月20.1萬個，今週五將公布8月非農就業報告，市場預期增長應該不會太差。種種跡象顯示，美國第三季GDP增長，應該可以維持，市場目前預期第三季GDP增長會達到3.4%。
隨著靚仔經濟數據出爐，市場對於今年底加息的預期又高一些，據聯邦利率期貨交易數據顯示，交易員對今年12月加息的機會由上日的34%，升上昨日的41%。
陸羽仁
回應總數
陸羽仁 BLOG 舊文
來源 source: http://blogcity.me