【實力取勝】10000人睇策略王直播室（陳承龍）（第147期）
2017-10-19 17:30:17
好多人誤以為小弟夜夜笙歌，其實日做夜做，卡拉OK咪都冇掂好耐啦。星期一至五，9點9返到策略王直播室，10點幾就過新城，11點到12點做中午策略王Part 1，再準備12點半
陳承龍，有時間就快快趣食個飯，求其唔餓就算，1點9又去新城，2點半做直播做到4點幾，仲未計有時出去傾廣告，仲未計做股票功課嘅時間，仲未計抽時間去做gym，仲未計被人追孖展，眨下眼又一日，一個星期就好快過。好彩直播室CEO李鴻彥Joe Lee真係好幫到手，分擔咗我唔少工作，否則真係返屋企陪下家人嘅時間都冇，小弟嘅住家男人形象就會幻滅。
其實日講股夜講股，都幾鬼攰，好彩炒股係小弟興趣之一，有得炒好過冇得炒。但人嘅肉身始終係肉做，鐵人都會金屬疲勞啦，何況小弟呢啲小散戶呢？所以小弟仲有其他興趣，就係低位買高位沽，或者高位買梗高位沽，唔係派膠㗎，大家都知炒股唔會隻隻中，炒十隻中六隻輸四隻咪贏錢咯。記住，小弟只係一個老散，高買低賣都時有發生，好彩2017呢個慢牛市，只要你有能力坐貨，即使高追咗，坐下坐下轉頭又會創新高，所以要食正隻慢牛，最緊要個倉有實力，否則即買即艇再打靶，試多幾次都會好傷。
睇到呢度，係咪發覺小弟乜冧把都冇講呢？因為呢排直播室收視屢創新高，趁個市好，梗係狂谷啦，想聽冧吧，睇策略王直播室啦。詳細分析係睇雜誌好啲，但好多股價變化都係要睇即市，所以一定要睇實策略王直播室呀。至於有咩方法冇咁攰呢？多啲人捧場我同班手足就精神㗎啦，小弟好有要求㗎，啲節目唔係淨做畀一百幾十人睇咁冇大志，但完成大志就要靠大家。其實依家千幾二千人睇，喺個市場上已經咁大迴響，唔知一萬人同時睇策略王直播室會點呢？不如一齊幫幫手，等小弟試下丫。
實力取勝 - 陳承龍 舊文
來源 source: http://www.winmoney.hk