金手指：又再瞓身抽易鑫
■瞓身抽新股，可以鎖死曬啲錢，令到自己冇機會輸。 互聯網圖片
禮拜一嘅股市真係陰陽怪氣。當大家都話新股熱潮、牛市三期，就跌你幾百點開市。問一啲小炒王，點解開市情況係咁，都一頭霧水。淨係話，市場傳係因沙地阿拉伯政治問題。
我一聽到，就答，沙地阿拉伯將建制派人士拉
曬，咪更加有利沙地阿美石油公司來香港上市。佢問點解？因為建制派同美國關係非常密切，如果大執位，等於外交都要大執位。即係來香港上市機會大幅增加。
咁如果唔係因為沙地阿拉伯政治問題，咁點解噚日開市會咁樣情況？
如果要我估，我諗全世界都學咗我咁，瞓身抽新股。最重要，唔係因為會贏錢，而係因為會鎖死曬啲錢，令到自己冇機會輸。
今次真係一次不折不扣嘅新股熱潮。比起2007年更旺盛。有如千禧年。大家記得2007年一次，間間公司都有盈利、有實業。不過千禧年，就係冇盈利。仲要冇盈利更加好，因為唔使計出一啲千倍市盈率。俾啲非常落後嘅價值投資信徒，恥笑。
我諗學股榮兄話齋，等曬啲大型新股上市，啲孖展資金釋放番市場時，先知道點樣去再部署。所以最安全，就係瞓身抽易鑫（2858）。
孫柏文
獨立股評人
http://fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.finance.appledaily.com