【實力取勝】「西水」多 笑呵呵（陳承龍）（第162期）
2018-2-1 16:45:57
當今世上，《港股策略王》應該係最睇好港股嘅媒體，我哋舊年開始唱好，可惜好多人都半信半疑，又話我哋乜又話我哋物，係呀，我哋幫滙控（00005.HK）、騰訊（00700.HK）、平保（02318
.HK）散貨呀，不斷求人買。結果係點？全部創新高，買咗就掂曬咯，今年1月恒指見33000點，係香港開埠以來嘅record high，不過好多散戶都未有參與。
小弟聽正大師講，佢用開個經紀都係冇乜生意，好多客都係打去沽啲碎濕濕嘅內銀，一手兩手嗰啲，成班都夠膽坐艇唔夠膽贏錢，所以小弟會繼續睇好後市。當然，大家要有炒股靈感，就要繼續睇《港股策略王》周刊同策略王直播室。
大家睇到條題，唔好心邪呀，短期個市，只係高位整固啫，尤其近日掃貨嘅唔係北水、唔係本地水，而係「西水」（即係西方資金、環球資金），日日狂掃，點解狂掃？因為港股市盈率（PE）太低啦，詳情就睇我上個星期篇稿啦，總之，大家都係見抵就買，見人買自己就買，所以搶高港股。
高位整固唔使怕，反而利好二、三線股炒作，除咗炒H股全流通呢個因素，好似資源股首鋼資源（00639.HK），呢啲有質地有低PE有好盈利，驚乜啫？二、三線以外呢，呢排連殼股都翻生，例如佳寧娜（00126.HK）、長盈都獲港交所「放行」轉手，即係有殼股有供應、有需求、仲有真成交，可喜可賀，大家有個條尋寶捷徑。最近例子仲有豐展控股（01826.HK）同先達國際物流（06123.HK），轉咗手後已經成為真正大陸水，背景實力夠勁嘅，好快就會回歸合理市值，其中先達國際物流市值仍然偏低，而豐展就只係啱啱開始鬱，睇個勢就仲有得去，好多股份都會越高越冇貨，越冇貨就越夾，呢個就係A股式炒法，大家喺2018年都要學嚇。
實力取勝 - 陳承龍 舊文
來源 source: http://www.winmoney.hk