智取大市：科技冷戰大劑嗎
■中國急急引科技企業返A股發CDR，被指係中國想喺資本市場層面獲得更大話語權。 資料圖片
近期有一種說法，認為中美貿易戰係由科技冷戰所觸發，而中美貿易戰甚至只係科技冷戰全餐裏面嘅其中一個小點，講法至少相比特朗普突然發神經來得更合情合理。科技冷戰緣於中國AI等
等嘅新技術發展進度驚人，美國摸唔清中國底牌，自然感到極受威脅，美國出盡法寶阻礙對方跨國收購科技行業同投資，近期貿易戰係雙方其中一步棋嘅對弈。中國急急引科技企業返A股發CDR，被指係中國想喺資本市場層面獲得更大話語權，成為一定要做嘅政治任務。
美國智庫Eurasia Group早喺年初預警，科技冷戰係2018年十大風險之一。大家本來覺得，中美糾紛冇乜奇，而年初中美雙方角力仍然喺口水戰同阻撓收購等層面，於是一直被投資者當係non-event。甚至特朗普早幾日未落實時已傳徵收中國600億美元進口品嘅關稅，一直都未演化成市場資金流收緊嘅問題，但當Naspers配售騰訊（700）前後，資金流急轉直下，中國極速還擊亦令市場感受到嚴重性。好在𠵱家去深究亦未流於馬後炮，皆因爭端斷估有排玩。
假如大家相信中央搞CDR搞到咁急，係同科技冷戰有關，就要信埋科技冷戰已不再non-event。編幅有限，如何透過市場觀察同對策，請睇網上版或小弟fb。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com