財經評論：銀行工買樓下集
■這個Banker睇樓的故事，一切由開價570萬元的沙田第一城開始。資料圖片
上回提到，筆者一位Banker朋友終於決定向獅子行賣身，打算以staff mortgage十成按揭上車。又經過一個月睇樓，Banker終於奮身入市，於俄鋁（486）暴跌五成的晚上，以650萬
購入鐵路上蓋私樓，成為印有獅子行標誌的有殼蝸牛。
若讀者記得Banker睇樓的故事，其實一切由開價570萬元的沙田第一城開始。當時Banker一心以十成按揭零首期上車，但發現貸款額上限最多只可借月薪120倍，令零首期美夢破滅。
繼說服自己賣身後，Banker花了一個月時間終於諗通，既然連第一城都不能零首期，倒不如盡地一煲動用所有積蓄，再借盡staff mortgage買新樓！
引述Banker當時說法：「唔睇由自可，睇完真係好鍾意，簡直要以好L正來形容。」業主當下開價680萬，Banker即場鋤價50萬測試業主底線，據說立刻被業主投以厭棄眼神。經紀再打溫情牌，以「幫下後生仔上車」為由，試圖鋤價30萬，但業主一於懶理企硬，雖然650萬元只是跟足銀行估價。
不過，Banker翌日出殺手鐧，先敬本票後敬人，入票終成「刁」。或許，賣家一晚過後覺得幫後生仔上車，其實不失為件好事。又或許，一場中美貿易口水戰下，樓市後市始終未明？
筆者只是好奇，一晚過後，國家主席習近平於博鰲亞洲論壇發表演講令貿易戰降溫，港股隨即升近500點，未知Banker遲一天入票，故事的結果會否一樣？
記者：陳洛嘉
財經評論 舊文
來源 source: http://hk.finance.appledaily.com