【實力取勝】贏錢係基本，仲要贏埋⋯⋯（陳承龍）（第174期）
2018-4-26 15:07:21
炒股係為咗贏錢，無論買藍籌、大價股、中價股、細價股或者妖股都係，股票只係工具，終極目標得一樣嘢，就係錢。大家可能覺得小弟好市僧，但其實呢啲叫老實、目標為本同埋「自己知自己做乜」，
好多人做嘢都冇方向，做嘢有目標，點都係好事。
小弟之前推介嘅煜榮集團（1536），一日（23/4）天堂，一日（24/3）地獄，真係好戲劇性，小弟都好意外，仲預咗畀人話細佬幫人派貨，不過行動最實際，截稿日（24/3）小弟都撈咗，均價2.4元。因仰智慧系過往都好有耐性，以藍鼎（582）為例，供完再收集一段時間先開車，所以無耐性或怕再輸大鑊嘅趁反彈先走。
收市後，煜榮出announcement，關於不尋常股份價格及成交量變動，同埋主要股東出售股份。大股東堅仆街及堅高章咯，竟然真係沽貨，沽咗約34.8球，均價2.3426元，由於沽到52.99%水平，已去到一個合理嘅控股水平，除非佢真係狠到沽到低於五成，不過就算再沽，都係在1.79元之上沽。
大股東股貨動機係乜？
第一可能性：衰九格，咁都要賺，如果係真，好on 4+5，因只賺千多萬。
第二可能性：套現。套7000幾萬，都好手緊嚇，但佢GO都講緊用幾億。不過，有人話同華融有關，唔知堅唔堅。不過更諗唔通嘅事，星期一踢上去都用咗唔少錢，尤其下午，股價無低過2.5元，佢哋咁掃法，好難有錢贏！
第三可能性：搵橫手接返，佢仲易操控。
大家會覺得邊個可能性大？我暫時信第三個。如覺得難玩，小弟勸你趁有反彈落車，因對手好強。
去返文章開頭，贏錢係目標。今次1536呢一役，好多fans私訊支持我，好難一一道謝，在心中啦，總之我哋目標得一個，雖然中間有順利有唔順利，但只要肯努力，終點必達。
講下其他嘢，寫稿日（24/3）內銀大升超過2%，市場憧憬中央政治局會議通過「保持貨幣政策穩健中性」，即係唔會大幅度「去槓桿」，尤其現正處於中美貿易摩擦時期，更唔能夠有「內憂外患」嘅情況。一星期前嘅降準，將釋放4,000億人民幣，一部分會流入股市，市場預期今年可能會再度降準三次，咁樣令內銀相當有利。
加上噚日會議仲說明會推動股市健康發展，即係中央支持股市上升。今日上証綜合指數升了2%，很明顯市場接收到訊息。建行（939）後日公佈第一季業績，工行（1398）、中行（3988）同農行（1288）就星期五。市場預期盈利會升大約5%。如果達標或超過，股價有機會借勢超越今年1月高位，技術同心理上非常正面。而且經歷了過去三個月嘅大上大落驚嚇，市場上空倉非常大，一挾就會迫使好多人補倉。除非貿易戰真係發生，否則一個報復式大反彈好有機會出現。
實力取勝 - 陳承龍 舊文
來源 source: http://www.winmoney.hk